燒肉801 (荃灣廣場)

营业中

休息中

舊年先係尖沙咀開業嘅燒肉801，第二間分店已經係荃灣開咗就梗係要去食下飯喇。新店一樣係紅卜卜，爐頭轉用內嵌抽風係餐枱裡面，更加開揚。今次冇食大熱嘅801盛合，試吓貴啲嘅805盛合。一樣有黑毛和牛大判燒，但係另一碟就係黑毛和牛霜降牛小排。來自九洲嘅黑毛和牛淨係睇油花嘅完美分佈已經知道係頂級貨。火燒立即令爐面著火，高溫再迫出油香，但入口都瞬間溶化。米飯加入大判燒嘅溫泉蛋，配上幾件燒肉真心正。食完再加多個冷麵，凍冰冰、酸酸甜甜，完全中和剛才燒肉嘅熱氣，必點推介。另外叫咗個神盛合(牛胸腹、牛板腱、牛小排)同埋黑毛豚無骨小排，食肉獸叫呢個就啱。整體來講，肉類品質性價比高，解凍得好，燒出嚟自然出色。下次會再返嚟食。