御前大江戶日式料理 (已結業)

老公整日都話想食日本磯燒海鮮， 早前見朋友去左觀塘一間唔錯的磯燒海鮮放題， 即刻訂位同老公去食，好才有訂台，黎到見到人山人海~ 入面空間好大，座位都坐得舒適~ 用平板落單好先進又環保~ 仲有指引教你如何燒最好味~ 餐廳會按照人數免費送上海鮮拼盤， 見到大大一盤，非常豐富，有蟹殼、巨型帶子、 蟶子、大蝦、生蠔，非常新鮮~ 大大隻生蠔非常新鮮，巨型帶子十分肥美， 大蝦爽口彈牙~ 燒蟹殼非常正，滿滿的蟹膏， 加上蟹籽，鮮甜十足! 每台配備調味料，客人可以自行燒野食~ 食物選擇方面都好多，海鮮方面有 蝦、魷魚、帶子、螺等， 我特別鐘意魷魚、帶子~ 仲有好多蔬果類，特別係我最愛的秋葵~ 除左燒物，亦有多款其他日式料理任食，好似刺身類，非常新鮮~ 壽司方面款式好多， 我最推介火焰芝士&黑𩃭系列，味道有驚喜~ 炸物、串燒系列 仲有多款飲品以及雪糕添~