牛の鍋日本料理

营业中

休息中

同男朋友慶祝生日🎂， 當然要食好西。當日住悅來酒店🏨但吾想食佢既自助晚餐，所以去左悅來坊搵食。見到呢間餐廳座無虛席，決定入去食，重點係價錢吾貴，中規中矩HKD218 一位、食足兩小時仲要係日本料理，火鍋🍲加甜品🍮。一坐底叫左個壽喜燒湯底。之後就開始睇多到眼花撩亂既放題紙。有刺身、天婦羅🍤、沙律🥗一品料理、sushi/軍艦/手卷、燒物。刺身： 有有頭甜蝦： 甜到不得了，新鮮，已脫殻非常易食。鮑片： 清甜。螺片、北寄貝、希靈魚、八爪魚🐙全部都好有水準。火鍋🍲料： 除左可以用放題紙點火鍋料， 仲可以出去拎菜，菌類，公仔面等，好多選擇呀😍仲可以出去自己混醬，丸類必點川味牛丸， 真係有麻🌶味，好有趣。都要記得點埋栗米濃湯丸。肥牛肉好有牛味、無咩雪氣，淥十秒變顏色就食得，爽😊至於飲品方面： 有汽水🥤，茶同埋熱茶，款式好多，仲有啤酒飲🍻甜品： 幾乎樣樣都叫曬一次😂最推介係食仙芋圓，好足料仲有好多粒芋圓chew 下。綿綿冰仲要係仲愛既芒果🥭味。大愛🎈200 多平時食旺角放題都用左。但呢間幾乎樣樣都咁有水準係好難，CP值真係好高，會再光顧。