霜瀛 (已搬遷) 新店位置

上環呢間霜瀛絕對係約朋友食Omakase嘅最好選擇，價錢正常價位，但食物水準很好👍🏻今次點Omakase HK$1580一位，，有前菜、茶碗蒸、時令刺身四款、季節料理一款、手握壽司六件、湯同甜品。 今次最令我驚喜嘅係蘋果木煙燻鰹魚🤩本身買相都有啲好靚嘅閃閃金箔做裝飾，鰹魚肉質鮮嫩油脂感滿滿，配上蔥碎及薑蓉，好食！ 然後鮫鰈魚壽司係當造嘅魚類之一，所以特別新鮮，再加上係北海道特產，必屬高質。仲有呢個太刀魚廚師將魚皮燒香，傳來陣陣嘅香味🤪然後配合薑蓉一起吃，魚鮮肉嫩又有點薑蓉辣味😝整體嚟講都抵食，因為絕對水準之上，食材嘅用料咁好，性價比真係好高。