藏 (已結業)

早一日book定位，weekend嚟食lunch! Lunch抵食過晚餐，適逢三八婦女節，有個$480 婦女節omakase 套餐！有沙律、茶碗蒸，刺身，5件壽司，手卷，烏冬，甜品，香檳，咁多嘢食，夠晒飽！呢個價錢，有齊咁多嘢，質素仲要好高，真係超值！我哋太鐘意刺身，嗌多咗個午餐刺身set, 都係3百幾蚊，抵過a la carte嘅刺身拼盤有d魚乾喺沙律入面，好脆，又幾夾喎！茶碗蒸，好滑，入面有菇、雞肉，有層次，口感豐富！香檳好易入口！拖羅夠油份，口感柔軟，但有筋，可惜！左邊唔記得咩魚，下面配柚子醋啫喱，好夾亦都好清新！呢個係刺身set嘅刺身，d魚好新鮮又厚切，口感一流，缺點係拖羅唔夠肥！拖羅蓉手卷，配蘿蔔仔，好味！五件壽司，全部都好正！烏冬質地似麵，個湯鹹度剛好，唔會口渴！厥餅甜品，唔太甜，好味！芝麻雪糕，勁香奶味，個肚冇位都要食埋佢！呢度環境一流侍應有禮貌，收碟好快一定會再嚟！