清酒煮大蜆一上枱就好香，蜆肉鮮甜又彈牙，加埋淡淡酒香，好開胃🍴。
蟹味噌甲羅燒配魚雪干，蟹味濃得嚟又香，魚干脆卜卜，夠惹味😋
帶子刺身厚切又喺好新鮮，每片都甜甜哋～好滿足！
海膽蟹肉茶碗蒸滑到不得了，仲有海膽提鮮，入口超正🍲
雞翼串、雞軟骨串燒得夠香，外脆內嫩、香氣好濃🍗。
網燒牛扒肉質軟熟多汁，啖啖牛香；
法式燒羊扒羊味香濃無膻味，燒得啱啱好😍。
鹽燒油甘魚肉滑香潤，鹽香簡單又夠鮮🐟。
壽喜燒牛內鍋燒鳥冬湯底濃郁暖胃，牛肉又嫩又入味🍲。
蕎麥冷麵爽口彈牙，食完清清哋好爽🍜。
飲品我揀咗富士山乳酸梳打，酸酸甜甜好醒神🍹；再配杯Sapporo生啤，冰凍又夠氣～同燒物真係絕配🍺。
甜品都好正，桃雪糕果香清新唔膩，柚子生忌廉吉士芭菲酸甜平衡、奶味香滑🍨，性價比極高又滿足嘅一餐！
