影片
更多
2024-09-17
3981 浏览
早排去咗呢間CP值超高嘅榊原食omakase，超滿意嘅一餐！已經推薦晒俾朋友同同事。晏晝食當然最抵啦，最平嘅餐只係$388，最貴就$628，識揀一定揀$628嘅蟬時雨set，咩都有：刺身、壽司、海膽、手卷、天婦羅、麵豉湯、甜品，每樣都好滿意！另外加咗叫「天賦」嘅清酒，入口清甜，唔會好辣，啱晒夏天飲，唔太飲酒嘅人都飲到。首先上咗茶碗蒸先：湯汁好鮮甜，仲加咗啲蟹絲喺面，蛋入邊就有雞肉同菇，蒸到啱啱好，入口軟滑。之後係刺身四款：龍蝦配上濃濃蝦膏同三文魚籽，超鮮甜！兵庫縣嘅蠔配上柚子啫喱同蘿蔔蓉，零腥味，勁新鮮！伊佐目魚薄切肉身爽甜，建議卷住蔥花同蘿蔔一齊食，層次豐富！赤貝：見師傅上之前會撻下塊肉，話可以令肌肉收縮，更彈牙！和食：沙錐魚、秋葵、舞蓉菇天舞羅薄薄嘅一層脆皮，唔會油淋淋，唔錯！到壽司六件，一樣出色膠原鯛，師傅介紹話條原嘅飼料會混合骨膠原，食落肉質彈牙；北寄貝口感就比較爽脆；白見貝即係象拔蚌，口感偏腍；黑睦魚，炙燒過勁香；醬油漬劍魚腩配埋大蔥碎，都好夾；拖羅超正，無筋，入口即化咁🤗雲丹最期待就係海膽，今次有兩款：橙色馬糞海膽味道較濃郁；淺黃色白海膽就清甜啲，口感更綿滑。兩種都無苦味🥰
早排去咗呢間CP值超高嘅榊原食omakase，超滿意嘅一餐！已經推薦晒俾朋友同同事。
晏晝食當然最抵啦，最平嘅餐只係$388，最貴就$628，識揀一定揀$628嘅蟬時雨set，咩都有：刺身、壽司、海膽、手卷、天婦羅、麵豉湯、甜品，每樣都好滿意！
另外加咗叫「天賦」嘅清酒，入口清甜，唔會好辣，啱晒夏天飲，唔太飲酒嘅人都飲到。
首先上咗茶碗蒸先：
湯汁好鮮甜，仲加咗啲蟹絲喺面，蛋入邊就有雞肉同菇，蒸到啱啱好，入口軟滑。
之後係刺身四款：
龍蝦配上濃濃蝦膏同三文魚籽，超鮮甜！
兵庫縣嘅蠔配上柚子啫喱同蘿蔔蓉，零腥味，勁新鮮！
伊佐目魚薄切肉身爽甜，建議卷住蔥花同蘿蔔一齊食，層次豐富！
赤貝：見師傅上之前會撻下塊肉，話可以令肌肉收縮，更彈牙！
和食：沙錐魚、秋葵、舞蓉菇天舞羅
薄薄嘅一層脆皮，唔會油淋淋，唔錯！
到壽司六件，一樣出色
膠原鯛，師傅介紹話條原嘅飼料會混合骨膠原，食落肉質彈牙；北寄貝口感就比較爽脆；白見貝即係象拔蚌，口感偏腍；黑睦魚，炙燒過勁香；醬油漬劍魚腩配埋大蔥碎，都好夾；拖羅超正，無筋，入口即化咁🤗
雲丹
最期待就係海膽，今次有兩款：橙色馬糞海膽味道較濃郁；淺黃色白海膽就清甜啲，口感更綿滑。兩種都無苦味🥰唔夠紫菜同飯仲可以再加！
蔥吞手卷
蔥吞入加上天婦羅脆碎，口感又軟滑又脆卜卜，又幾新鮮喎。
雞蛋布甸（遠睇成嚿南瓜咁嘅樣🤭）
師傅話要蒸90分鐘，食落口感結實，蛋味濃、仲要係用咗出名嘅湖北蛋同日本蛋。
麵豉湯係用咗四款麵豉，加上滿滿紫菜，口感豐富。
最後食埋冰凍濃郁嘅柚子雪葩，大滿足！
张贴
