影片
更多
2023-10-04
151 浏览
今日收工同男朋友兩個一齊去打邊爐，行過見到有自助火鍋放題，呢個價錢來講係CP值極高，二話不說即刻入咗去。餐廳環境闊落光猛，而且有好多寵物嘅裝飾，睇嚟老闆都係一位愛狗之人～餐牌雖然睇落好多字，但其實簡潔易明，第一輪我哋揀咗食蟹子沙律、豬大腸同薯條先開一開胃～另外我哋預先訂咗燉湯，係螺片湯嚟嘅，飲落極鮮甜， 十分推薦！第二輪就係刺身拼盤，種類繁多，有三文魚、油甘魚、帆立貝、赤蝦同北寄貝，食落個質素亦唔差！第三輪我哋揀咗食酸菜魚（BB辣），魚片煮得10分嫩滑，而且個底亦都會有一啲嘅寬粉，吸收晒啲酸菜魚湯真係幾開胃好惹味～食到呢度亦開始有啲飽飽地啦，不過依家戲肉先開始，我哋揀咗個芫荽皮蛋湯底，而職員亦十分快手咁上咗個和牛拼盤、同埋海鮮拼盤上嚟，之後仲可以自己出去夾唔同嘅蔬菜！和牛拼盤有勁多唔同種類唔同部位嘅肉，有幾樣我地都係第一次試，不過牛肉嘅質素亦都好高，食落好有牛味，同埋都好嫩滑，滿足我地大口大口食肉嘅慾望！海鮮拼盤就有象拔蚌、鮑魚、魚塊、鮮蝦同埋蜆，個人最鍾意食鮑魚，因為鮑魚食落好厚肉，同埋好鮮甜！最後，打完邊爐一定係飲返幾支涼茶打底，為我哋呢一餐畫上完美嘅句號～
餐廳環境闊落光猛，而且有好多寵物嘅裝飾，睇嚟老闆都係一位愛狗之人～
餐牌雖然睇落好多字，但其實簡潔易明，第一輪我哋揀咗食蟹子沙律、豬大腸同薯條先開一開胃～
另外我哋預先訂咗燉湯，係螺片湯嚟嘅，飲落極鮮甜， 十分推薦！
第二輪就係刺身拼盤，種類繁多，有三文魚、油甘魚、帆立貝、赤蝦同北寄貝，食落個質素亦唔差！
第三輪我哋揀咗食酸菜魚（BB辣），魚片煮得10分嫩滑，而且個底亦都會有一啲嘅寬粉，吸收晒啲酸菜魚湯真係幾開胃好惹味～
食到呢度亦開始有啲飽飽地啦，不過依家戲肉先開始，我哋揀咗個芫荽皮蛋湯底，而職員亦十分快手咁上咗個和牛拼盤、同埋海鮮拼盤上嚟，之後仲可以自己出去夾唔同嘅蔬菜！
和牛拼盤有勁多唔同種類唔同部位嘅肉，有幾樣我地都係第一次試，不過牛肉嘅質素亦都好高，食落好有牛味，同埋都好嫩滑，滿足我地大口大口食肉嘅慾望！
海鮮拼盤就有象拔蚌、鮑魚、魚塊、鮮蝦同埋蜆，個人最鍾意食鮑魚，因為鮑魚食落好厚肉，同埋好鮮甜！
最後，打完邊爐一定係飲返幾支涼茶打底，為我哋呢一餐畫上完美嘅句號～
张贴
