瀛豐放題料理專門店 (已搬遷) 新店位置

今個星期係老公嘅生日週，順理成章約佢出去食飯過吓二人世界😜通常我哋慶祝都會食自助餐，今次就揀左去瀛豐放題料理專門店，因為見到朋友去完大力推介個生蠔同魚生😋雖然唔鼓勵出街飯聚，但見到門口已經放晒消毒噴霧、搓手液俾客人用，都會食得安心👍🏻落單係scan QR code方便簡單，而我梗係upgrade 任食即開生蠔🦪，餓左好耐啦😋 生蠔超鮮甜，淨係加檸檬汁已經好好味，大隻過自助餐嗰啲，好肥美呀，呢個已經值回票價❣️跟住食海膽帶子，個帶子夾住海膽係咩玩法🤓帶子超厚身，分開個海膽食仲更加試到佢嘅鮮味，真係食到停唔到口，連食半打🥰重頭戲就係個刺身拼盤🍣每塊魚生都係厚切嘅，有三文魚腩、油甘魚、八爪魚、榮螺、希靈魚、鮑魚片等，個赤蝦刺身竟然大隻到不敢置信，真係長過我塊面！啖啖肉，好滿足呀！encore encore.....老公order左壽司拼盤，佢啲飯團唔係好大舊，可以每樣試吓味。佢仲點左十幾款熱食，其中辣酒花螺好惹味、豉椒炒蜆、蒜蓉燒帶子、泰式燒蝦都Very good，其實啲熱食一啲都唔輸蝕👍🏻兩個鐘真係過得好充實，最後食支紅豆雪條做總結，替呢餐生日飯劃上完美句號💯