The Salted Pig (新都會廣場) (已結業)

星期五放工諗住舒舒服服食餐好d，聽講呢間新開餐廳係主打食豬，就揀黎試下。點知餐廳職員就帶我地坐係水吧，出餐同廁所對出既路中心位置，每秒鐘都有人係你隔離行黎行去，即刻覺得自己去左食茶記，而唔係食$300一個人既餐廳。嗰一刻，我情願餐廳話full左要等位😕😕我同老公一人揀左一個main course，老公再點左杯手工啤酒，$6x幾一杯手工啤酒，黎到一試，同平時普通大牌子啤酒一樣味，唔明點解要收成$6x一杯仔😅😅我揀左$238烤斧頭豬扒，見到menu個賣相咁靚，呢度又係主打食豬，滿心期待。到份餐點到，只覺得賣相似花園餐廳豬扒餐😅😅味道只係正常，又再次唔明點解可以賣成$238一份。老公點左$258歐式脆內乳豬，等左半個鐘，黎到賣相都ok既，不過成份乳豬有1/3以上都係肥膏，乳豬味道好油膩，食幾啖已經唔想再食😂乳豬有咐source既，但個source似係蘑菇忌廉，唔知點解又有少少辣，真係唔多襯，唔係好識欣賞🥲食完成餐$600幾蚊埋單，完全唔知享受左d咩，overpriced得太緊要，真係無下次。