明閣 (香港康得思酒店)

Staycation一個好重要嘅環節係食，今次選擇康德思酒店嘅原因除咗因為佢做Take the Credit可以將房費全部食晒之外，令一個好重要嘅原因就係好想試吓米芝蓮一星嘅明閣。嘢食未上，先上兩個醬，左邊係XO醬，右邊係素食干菌醬，兩種醬都好好食，而且份量好多一啲都唔孤寒。XO醬相當足料，金華火腿元配蝦子蝦乾樣樣齊。藍天使蝦紅米腸粉，紅米腸皮算係少少哋Q彈，紅米腸包住脆皮依然好趣，入面嘅蝦亦都好鮮味，豉油唔使落好多甚至咩醬料都唔落都已經好好食。養生三色餃分別係綠色嘅牛肝菌榆耳菠菜餃、橙色嘅杞子鮮蝦蟹肉甘筍餃，同埋紅色嘅帶子羊肚菌紅菜頭餃牛肝菌餃係素，但牛肝菌味道好香，我試過加咗少少干菌醬，好好味道。鮮蝦蟹肉餃入面勁多蟹肉，好香味。相對來講我就唔太喜歡羊肚菌餃，羊肚菌味道濃烈奪去咗帶子嘅鮮味，個性強烈嘅朋友有時未必適合擺埋一齊。呢三粒野整體來講賞心悅目，但三粒野個皮我都覺得比較厚。即焗原隻鮑魚雞粒數配普洱茶原隻鮑魚有少少糖心，個鮑魚醬亦都相當唔錯，唯一就係餅皮太甜，有啲唔協調。龍皇三弄分別係鮮蝦濃湯脆米、蔥爆虎蝦球、同花雕粉絲蒸虎蝦。其中花雕粉絲蒸虎蝦好香，入面仲有少少酒糟，非常好食。