KATANA by SAKEH (已結業)

開係中環既一間日式居酒屋，有串燒有日本料理，咩都有好出色。自家製免治雞肉軟骨免治雞肉軟腍腍，軟骨位又爽爽地，有啲咬口，燒到焦香，脆脆地好好食，本身已經有調味，再加生雞蛋撈醬油好香好好味，味道好突出好濃烈，超好食！柚子虎皮漬爽爽脆脆，酸酸甜甜，好開胃，又大碟，食得好開心，食完好有胃口，做前菜一流！雞蠔肉被譽為雞既生蠔，一隻雞只有兩小塊既似，好難搵出黎，但真係好嫩好滑好好味，雞肉燒完又好有肉汁，肉汁鎖晒係啲肉入邊，香口好食，超級正！紫菜芝士年糕一個好傳統嘅日本菜式，年糕整得好好，煙煙韌韌，好軟腍，好黏，紫菜有夠晒脆，年糕仲好香芝士味，好好食，又夠飽，出色！