Bellevue Bar and Grill (已結業)

聽朋友介紹呢間餐廳唔錯，一於就約朋友嚟試下，我係搭地鐵嘅，餐廳都好近地鐵站，行 幾分鐘就到。餐廳喺大廈最高嗰一層，所以風景好開揚。我自己叫咗一個set，揀咗炭燒美國安格斯西冷牛扒伴燒汁，要左七成熟。前菜就揀咗湯同埋甜品。呢個餐仲包一杯飲品， 嗌咗杯凍檸水。餐包好鬆軟，配埋牛油幾好食，牛油仲可以任添嘅。餐湯係蕃茄濃湯，番茄味夠濃，都幾天然。 等咗冇幾耐牛扒就上啦，切開顏色勁靚好粉嫩，食落夠嫩滑 ，一啲都唔韌，有淡淡嘅炭燒味，質素真係唔錯，伴碟嘅仲有一啲薯蓉 ，好綿密。由於見到佢哋嘅mocktail跟餐叫只係加38蚊，所以我叫咗杯fruit punch ，唔錯幾好飲，唔會話太甜。食完之後侍應就上甜品，甜品係芒果慕斯，一樣唔會太甜，幾滑。整體嚟講環境好好夠安靜，而且食物質素都唔錯，價錢唔會話好貴，間唔中行開旺角嚟食下都真係幾chill。