Hans Bar and Restaurant

营业中

休息中

最近鍾意去酒吧同朋友飲嘢吹水，今次嚟呢間Hans Bar and Restaurant。店舖位於主要幹道嘅旁邊，整體裝修風格簡潔有格調。我哋今次叫咗兩杯嘢飲，一杯Clover club，一杯Woo Woo。WooWoo味道屬於清新系，而Clover club嘅味道同口感都相對比較特別，泡沫綿密，係平時比較少飲會用到蛋清嘅調酒。小食方面就叫咗燒厚切牛舌、日式拼盤小食、意大利餛飩配白松露油雜菇醬。燒牛舌香口嫩滑，聞到已經好香，趁熱食好好食。調味唔會太重，保留到原有嘅風味。日式拼盤小食味道不過不失，可以接受，搭配酒就合適。至於意大利餛飩，因為加咗白松露油，味道濃郁。奶油味雜菇醬味突出，層次豐富。店內恰到好處嘅燈光同音樂令氛圍慵懶自在，非常適合同朋友一齊嚟邊飲嘢食嘢邊暢談心事。