喜膳燒

营业中

休息中

好耐冇食過串燒，上網見到寶勒巷有一間專食串燒嘅專門店，評語唔錯，於是就同朋友嚟食。呢度有酒吧嘅氣氛，亦有唔少酒精類飲品提供。 我們獲安排坐在高凳上，牆壁上有啲日式嘅海報，有日本感覺。餐牌嘅串燒種類好多，海鮮，蔬菜，特色嘅款式應有盡有。首先叫咗清酒煮蜆，蜆肉非常新鮮。串燒叫咗燒玉子，台式香腸，午餐肉，和牛，雞肝，蕃薯等。最鍾意日式迷你蕃薯仔，燒得香，蕃薯甜到好似蜜糖咁，食到停唔到口。台灣香腸都好好食，有炭燒味道。蒜蓉燒茄子蒜蓉味豐富，但略嫌鹹咗少少。益力多沙冰好解渴，配串燒食一流。