Flames (海濱匯)

营业中

休息中

行過海濱搵朋友食個lunch，撞正呢間隱世美景西餐廳🍴。見咁好天本來諗住坐戶外，但後尾落單後就開始大風，咁就坐返入面算啦！今次嗌咗個七成熟既12oz燒安格斯肉眼扒同埋避風塘雞翼加杯凍檸茶。首先嚟嘅係雞翼，啲雞翼好大隻（唔講以為係火雞！），雖然皮外係非常乾嘅避風塘配料，但咬入去每一啖都非常有肉汁，完全係外脆內嫩！做小食一流！食到一半個main course牛扒就嚟啦，冇諗過咁大份😱仲有兩隻大蝦同埋番薯條數配菜，食到非常飽！牛扒中間亦都有鎖住肉汁同埋有好騷嘅牛味，完全係物有所值！總括而言，環境好服務都好好👍🏽經過嘅朋友不妨一試！