4
今晚約咗朋友嚟中環食飯，朋友知道我想睇靚景，揀咗呢間星馬餐廳，餐廳有分室內同室外，室外可以望到靚靚嘅維港景，可惜今日有少少落雨，所以我哋坐返喺室內。
Pineapple Refresher
先飲番杯飲品Chill下，清清甜甜幾好味。
眼淚蝦棗
眼淚蝦棗用五花肉、蝦肉、乾蔥及洋蔥等材料製作而成，全人手製作，炸得脆卜卜金黃色，好香口。
老隆藥膳肉骨茶
同平時食到嘅肉骨茶有點不同，呢個味道我更加鍾意，入面材料好豐富，胡椒味恰到好處，而且排骨好入味又軟腍，食完好暖胃。
百香果沙律蝦球
炸得好香脆嘅蝦球，外邊仲有酸酸甜甜嘅百香果沙律，蝦肉好彈牙，好開胃呢！
芙蓉燒蟹
用咗東南亞風味甜豉油，蟹肉亦都好新鮮，好大隻，而且廚師已經幫忙拆件，方便客人食用，醬汁又滲入蟹肉當中，好惹味呢
正宗海南麻雞
雞肉嫩滑又多汁，已經去骨啖啖肉，再配埋油飯超正！仲有豉油、薑蓉及辣醬三種醬汁
怡保乾炒海鮮米粉
有豐富嘅材料，魷魚、蝦、帶子等等，米粉炒得好有鑊氣夠晒乾身。
原個雪燕香芒椰子盅
內有雪燕、椰子雪糕同埋楊枝甘露，口感好有層次，今晚食得好滿足。
