影片
更多
2022-10-26
93 浏览
假日唔使返工，瞓到自然醒，懶洋洋食返個brunch，就係最好的放假態度！荃灣Odelice位於西鐵站上蓋海之戀商場，位置就腳方便，餐廳空間感大，裝修具法式風情，相約朋友食返個精緻嘅早午餐，閒聊日常，實現慢活週末！餐廳有室內位置，被植物同裝飾植物牆包圍，可以遠眺海景，不過當日天色唔係咁好，所以都係坐返室內！➺➺班尼迪克碗$160可以用「香」字去形容成個菜式，用刀𠝹開水波蛋，蕩漾嘅蛋漿流出覆蓋下面成個鬆軟嘅麵包，整體食落去又滑又充滿蛋香，碗上塗抹咗一層煙燻過嘅茄子蓉，包圍住食物，三文魚都有煙燻過，茄子加上咗香草，令到食物有濃濃嘅香烤味道！➺➺半隻龍蝦炒蛋$258作為龍蝦控嘅我見到「龍蝦」兩個字，已經被深深吸引。菜式用上兩塊大大件完整、唔會散修修嘅龍蝦肉，食落口充撐住口腔，肉好爽，慢慢咀嚼，食到龍蝦肉嘅質感！加埋好滑嘅炒蛋、牛油果粒、洋蔥粒嘅唔同質感，配搭得唔錯！➺➺法式可麗餅$75呢間餐廳嘅可麗餅都幾出名，廚師將朱古力醬、花生醬、大量果仁片、糖粉，放埋一齊，呢個甜品嘅味道已經冇可能唔符合水準。可麗餅整得又薄又煙韌，趁佢啱啱整好仲暖暖地嘅時候，加埋雪糕一齊食，嗰種又暖又凍嘅感覺特別刺激味蕾！
➺➺班尼迪克碗$160
可以用「香」字去形容成個菜式，用刀𠝹開水波蛋，蕩漾嘅蛋漿流出覆蓋下面成個鬆軟嘅麵包，整體食落去又滑又充滿蛋香，碗上塗抹咗一層煙燻過嘅茄子蓉，包圍住食物，三文魚都有煙燻過，茄子加上咗香草，令到食物有濃濃嘅香烤味道！
➺➺半隻龍蝦炒蛋$258
作為龍蝦控嘅我見到「龍蝦」兩個字，已經被深深吸引。菜式用上兩塊大大件完整、唔會散修修嘅龍蝦肉，食落口充撐住口腔，肉好爽，慢慢咀嚼，食到龍蝦肉嘅質感！加埋好滑嘅炒蛋、牛油果粒、洋蔥粒嘅唔同質感，配搭得唔錯！
➺➺法式可麗餅$75
呢間餐廳嘅可麗餅都幾出名，廚師將朱古力醬、花生醬、大量果仁片、糖粉，放埋一齊，呢個甜品嘅味道已經冇可能唔符合水準。可麗餅整得又薄又煙韌，趁佢啱啱整好仲暖暖地嘅時候，加埋雪糕一齊食，嗰種又暖又凍嘅感覺特別刺激味蕾！
➺➺牛油果、香蕉、燕麥奶沙冰$48
質感好杰，飲落去有好重牛油果味，跟住又湧出淡淡的香蕉味，沙冰佔嘅份量唔多，唔會飲落去令到牙齒冰鎮，但感覺又幾健康！
➺➺椰香咖啡沙冰$46
就咁聞已經聞到椰香同濃郁嘅咖啡味，同樣沙冰唔會搶咗飲品嘅重點！
**設加一服務費
张贴
