影片
更多
2020-10-28
151 浏览
Bellevue Bar And Grill成日都喺OpenRice見到呢間餐廳好多好評！今次終於都得閒去試到呢間餐廳啦～餐廳位於油麻地譽發廣場23樓，油麻地A2出口一出行2分鐘就係，十分之方便！一上到去，已經見到個靚靚九龍景色，我去嗰陣時係六點左右，咁啱係日落嘅時間，可以喺佢哋嘅落地玻璃窗度見到靚日落Tuna Salad 4/5 $168一打開個Menu，都見到好多選擇，我哋首先要咗個Tuna Salad，佢哋嘅希臘沙律有橄欖、芝士、同埋紙洋蔥嚟伴個菜，加埋酸酸地嘅汁，好開胃，至於個黑椒吞拿魚，就略嫌落得多咗少少黑椒，有少少辣得滯～美國特級安格斯熟成肉眼扒 5/5 $338 Main course方面，餐廳職員就推薦我哋嗌佢哋嘅招牌熟成牛扒，佢哋嘅乾式熟成牛肉，自家熟成時間平均係30天左右，我哋就嗌左一份10oz嘅Prime Angus Rib Eye，厚切肉眼扒，加埋上面嘅grill marks ，同埋旁邊嘅配菜，好吸引！切開之後塊牛扒入面呈嫩粉紅色，好多肉汁流出黎，好Juicy，食落口牛肉味濃郁～烤緬因州龍蝦尾伴牛肝菌龍蝦汁扁意粉 5/5 $198呢一份意粉一上枱，我都幾Surp
成日都喺OpenRice見到呢間餐廳好多好評！今次終於都得閒去試到呢間餐廳啦～餐廳位於油麻地譽發廣場23樓，油麻地A2出口一出行2分鐘就係，十分之方便！
一上到去，已經見到個靚靚九龍景色，我去嗰陣時係六點左右，咁啱係日落嘅時間，可以喺佢哋嘅落地玻璃窗度見到靚日落
Tuna Salad 4/5 $168
一打開個Menu，都見到好多選擇，我哋首先要咗個Tuna Salad，佢哋嘅希臘沙律有橄欖、芝士、同埋紙洋蔥嚟伴個菜，加埋酸酸地嘅汁，好開胃，至於個黑椒吞拿魚，就略嫌落得多咗少少黑椒，有少少辣得滯～
美國特級安格斯熟成肉眼扒 5/5 $338
Main course方面，餐廳職員就推薦我哋嗌佢哋嘅招牌熟成牛扒，佢哋嘅乾式熟成牛肉，自家熟成時間平均係30天左右，我哋就嗌左一份10oz嘅Prime Angus Rib Eye
，厚切肉眼扒，加埋上面嘅grill marks ，同埋旁邊嘅配菜，好吸引！切開之後塊牛扒入面呈嫩粉紅色，好多肉汁流出黎，好Juicy，食落口牛肉味濃郁～
烤緬因州龍蝦尾伴牛肝菌龍蝦汁扁意粉 5/5 $198
呢一份意粉一上枱，我都幾Surprised！扁意粉掛滿牛肝菌龍蝦汁之餘，仲有一條原條龍蝦尾，龍蝦汁味道好濃郁，調味做得啱啱好，龍蝦尾爽口彈牙，亦都好鮮甜
焗迷你火焰雪山伴野莓焦糖燉蛋 4.5/5 $88
甜品係第二個胃嚟㗎嘛，一場嚟到梗係要試埋佢哋嘅甜品啦～迷你版火焰雪山細細份，食完飯食都唔會太膩～，火焰雪山嘅外層係朱古力雪糕，而佢哋嘅Crème brûlée，好香滑，做得十分之出色～
呢間餐廳主打affordable semi-buffect set lunches同埋brunches and eclectic gourmet dinners，員工態度好好，食物質素亦都對得住個價錢，我建議你哋如果想試呢間餐廳嘅話，一定要試佢哋嘅自家熟成牛扒，同埋最好book大概六點嘅時間，咁就可以見到靚靚日落啦～
张贴
