Café Lab (已結業)

同區都有好多間咖啡室：Contrast, Boholic, Lungo, 今次試呢間係最啱個人口味。環境：始終鍾意小店，坐喺度睇書又唔使排隊就最好。（不過都希望呢一間咖啡室可以多啲人嚟）食物種類：下午茶時間都好多款選擇，港女蛋糕都有四種。今次揀咗餐廳點題作品：雲，佢特別嘅地方在於上碟嘅時候會有煙燻嘅味道，配合返雲嘅主題。蛋糕外型十分靚，適合拍攝。味道適中，重點係中間有一種冰涼嘅感覺。單骨雞翼：呢次單骨雞翼係用咗Buffalo Sauce, 好好食。咖啡：芝麻牛奶咖啡，美式咖啡，兩杯咖啡符合預期。服務：所有員工都非常有禮貌，對食客無理嘅要求（例如啲煙揭蓋時散走左都特登幫我哋加返）。始終係呢一區競爭好激烈，要保持住相當嘅人氣先可以生存到，而我相信呢一間咖啡室應該可以做落去。