玄鮨 (已結業)

上星期約咗個客食飯，唔係個客介紹都唔知銅鑼灣原來有一間樓上日本餐廳咁高質素，lunch set 價錢唔係平，但食過之後覺得佢真係值得收呢個價錢，同客食坐得舒舒服服，一啲都唔失禮。我哋分別叫咗一個2號同3號lunch，有前菜，蒸蛋，最正有個筍湯，唔係到到嘅筍都好味，呢個筍湯又香又清甜。刺身飯，賣相精緻，一碟有多款不同刺身，厚切增加口感。呢款係個客食嘅，見到刺身真係好新鮮，而且好肥美，個客話次次黎親都會食呢款，除咗因為刺身新鮮，佢另外竟然反而係最鍾意食嗰碟八爪魚，佢話又爽又甜，超級好食。而我就食咗呢碗刺身飯，一碗飯入邊有好多款唔同刺身，最正除咗係肥美嘅吞拿魚，仲有海膽同我最鍾意嘅牡丹蝦，個飯底入邊仲加咗一啲甜甜地嘅日本配料，配埋刺身一齊食真係非常好食，我平時一個呢啲刺身飯冇可能食得晒，但呢度嘅刺身實在好多，而且甜甜鹹鹹配埋一齊原來係咁夾架，我成碗飯竟然可以一個人食晒，真係超級精彩，回味無窮。最後有埋甜品同咖啡，同個客食呢個lunch足足食咗兩個半鐘，服務態度依然殷勤，冇趕客走，下次再有Business lunch呢間餐廳將會係我嘅不二之選。