Boy n Burger (已結業)

期待已久嘅 “Boy n Burger” 已經開咗，聲稱係一間休閑自助快餐店，不過價錢唔算太親民，座位不多(兩張二人枱、兩張四人枱、十零張bar枱)，所以食完就要走。🍔吉列魚柳漢堡 $48⭐️⭐️魚柳夠香脆熱辣，但味道一般，個包又無乜醬dry咗啲，$48唔值呢個值錢啦，如果差唔多價位，我會食”Mos Burger”。🍔芝士漢堡 $35 (加套餐$25，轉粗薯條另加$5)⭐️⭐️⭐️芝士漢堡同麥記差唔多質素，肉太乾身，不值一試，加飲品粗薯條要加$30有啲貴，薯條口感唔錯兼有薯味，三粒星係比佢嘅，奶茶係自家沖但無期望過，因為今日未飲奶茶所以先叫！🍔三件裝炸雞籃(雞鎚、雞翼、雞柳) $35⭐️⭐️想叫酥炸雞但最少叫三隻，驚食唔晒唯有叫size細啲嘅炸雞籃，不過雞唔滑又太辣，我哋三個唔食得辣中晒”椒”，唔會再嚟，所有嘢都麻麻，去集成食”鬍鬚仔”好過。三人共消費：$196