魚作 (已結業)

魚作真係好難book...一星期前就要book今個禮拜ge枱，之前呀侍應姐姐話1PM剩返吧台，冧住照殺，但係又咁啱線12:50去到無乜人，最後比左張卡位我地，都算幾好彩。嚟魚作當然係食魚生啦～話說佢地有每日Set Lunch，星期二就係魚生飯。雖然有其他選擇，而且個Ｄ有甜品＋餐茶，但係Set Lunch包一個飯+麵鼓湯，無記錯係118 (未計加一)，呢個價真係抵食！結果2個人都叫左同一個set 至於魚生方面，全部都好新鮮三文魚唔係太出彩但係中上水準，希靈魚夠爽口，其他個兩種唔認得XDDD不過認真好食，加埋wasabi可以食到魚ge鮮味，咬上去唔會話太林；飯量一睇都知唔多，夠女仔份量，但係配落D魚生度唔會遜色，應該用左唔錯ge日本米。建議男性朋友就叫有甜品ge set 啦，都係貴$20~，或者我地下次都會試試總括來說我地兩個都好滿意，目前有打算列入我地中環和食飯堂～（不過呢部大廈部電梯真係等超耐...要2點準時返ge朋友就早d走等lift啦)