影片
更多
2023-04-01
18 浏览
中式私房菜食得多，朋友介紹話銅鑼灣開左間新派日式私房菜，位於登龍街永光中心，本身都以為同一般Omakase一樣，但上到去睇完個Menu就知好唔同。餐廳環境非常舒適，座位闊落唔會迫，日式裝修，感覺高級型格，加上大廚私伙盔甲裝飾，更有日本氣氛。坐低師傅即時介紹唔同餐既分別，亦會介紹食材來源地及證書，用餐感覺好唔錯。蜜柑鯛利用蜜柑養植既䲞魚，作為第一道菜，肉質清淡，但蜜柑香味非常出眾，小小豉油已經足夠帶出鮮味。毛蟹、帆立貝、牡丹蝦、赤貝所有刺身都好高質，但最深刻係毛蟹刺身，毛蟹刺身視覺效果一流，蟹肉開晒花，一個字「鮮」。毛蟹海膽杯師傅介紹餐牌時有講會以蟹肉圍繞今餐主題，三文魚籽、蟹肉、海膽、蟹膏做成既海膽杯，超多材料，加上紫菜包住一齊食，口感豐富。岩手縣米崎蠔勁大隻，肉厚鮮甜，處理得好乾淨，加左少少酸汁已經夠哂味道。吞拿魚面肉油份充足，燒完後散發更多魚油香，外脆內軟。和牛三角A5級和牛三角，近牛既胸部位置，醬汁用上幾款水果製成，令肉質更甜同令肉纖維更柔軟，輕輕燒剛剛熟就食得。毛蟹蒸蛋完完全全估唔到咁好味，蟹肉加蟹膏，味濃咸鮮，蒸蛋係冇任何配菜，只有好少量栗子碎，滑到不得之了。野菜海老丸子有大
中式私房菜食得多，朋友介紹話銅鑼灣開左間新派日式私房菜，位於登龍街永光中心，本身都以為同一般Omakase一樣，但上到去睇完個Menu就知好唔同。餐廳環境非常舒適，座位闊落唔會迫，日式裝修，感覺高級型格，加上大廚私伙盔甲裝飾，更有日本氣氛。
坐低師傅即時介紹唔同餐既分別，亦會介紹食材來源地及證書，用餐感覺好唔錯。
蜜柑鯛
利用蜜柑養植既䲞魚，作為第一道菜，肉質清淡，但蜜柑香味非常出眾，小小豉油已經足夠帶出鮮味。
毛蟹、帆立貝、牡丹蝦、赤貝
所有刺身都好高質，但最深刻係毛蟹刺身，毛蟹刺身視覺效果一流，蟹肉開晒花，一個字「鮮」。
毛蟹海膽杯
師傅介紹餐牌時有講會以蟹肉圍繞今餐主題，三文魚籽、蟹肉、海膽、蟹膏做成既海膽杯，超多材料，加上紫菜包住一齊食，口感豐富。
岩手縣米崎蠔
勁大隻，肉厚鮮甜，處理得好乾淨，加左少少酸汁已經夠哂味道。
吞拿魚面肉
油份充足，燒完後散發更多魚油香，外脆內軟。
和牛三角
A5級和牛三角，近牛既胸部位置，醬汁用上幾款水果製成，令肉質更甜同令肉纖維更柔軟，輕輕燒剛剛熟就食得。
毛蟹蒸蛋
完完全全估唔到咁好味，蟹肉加蟹膏，味濃咸鮮，蒸蛋係冇任何配菜，只有好少量栗子碎，滑到不得之了。
野菜海老丸子
有大根、甘笋、南瓜、海老丸 加上松葉蟹肉芡汁，成件事看似普通，但配搭出嚟係好清甜，解膩一流。
和牛壽喜燒
用上和牛西冷位，配上日本綿豆腐、白粟米、日本旺菜，師傅即場烹煮和牛及醬汁，和牛固然好正，最特別係師傅有預先處理白粟米，令到咬落去完全唔會痴牙。
黑松露鮑魚海膽飯
鮑魚膽汁加松葉蟹肉，飯面放上鮑魚、海膽，湯汁用毛蟹殼同牛油炒香，非常清甜，撈飯食係冇得輸，真心想問師傅有冇得添飯，好回味。
魚湯及生果
魚湯清澈，沒有加上豆腐或其他食材，只有魚鮮味，完全唔花巧好好飲。
靜岡縣蜜瓜
溫室種植蜜瓜，一樹一果，所有營養集中哂喺一個瓜裡面，爽口多汁，完美地完成今餐晚飯。
P.s 每逢星期一至三老闆仲會請大家免費飲sake
张贴
