Morton's of Chicago

係呢到慶祝生日，餐廳主動安排窗口位置，非常窩心同有氣氛，有全體店員既簽名卡同即影即有相，再有印左名既menu, 雖然係即日print, 但感覺特別。點餐後首先上既係餐包，好大份，好香，太肚餓已經好快食左半個。點左生蠔share, 新鮮好味，再配埋特別既sauce,都算不錯吃。再來的是龍蝦湯，湯充滿左干邑白蘭地味道，好香好濃郁，龍蝦味完全突出。waitress 好細心幫我地分左兩小碗。主角porterhouse steak 一份已經好大，絕對夠兩個人分享,叫medium rare入面粉紅色，牛味好重又香。Side dishes 忌廉波菜，好creamy再來一個side dish truffle fries, 呢個非常好味，仲好抵食，好大筒最後食唔完。最後再點了lemon tart 做甜品，lemon 味好rich又creamy. 仲好大件，兩個人食以上咁多道菜真係好full. 每樣食物都係水準之上，值得再食。食完過兩日仲收到餐廳電話，仲寄左兩張free cocktails thank you card 俾我地，好貼心，一定會再光臨。