影片
更多
2020-06-07
1316 浏览
呢個時勢要食川菜真係一件好難抉擇嘅事，好彩係網上發現左呢間可以食嘅川菜。地點：位於深水埗，係西九龍中心嘅對面，坐巴士地鐵都好容易搵到。佢唔係地舖尼嘅，但地面門口有擺水牌，沿住上樓梯就到。環境：一般小菜館嘅格局，普通嘅裝修。面積都算大，枱同枱之間唔會排到好密，以大枱為主，所以都坐得幾舒服。食物質素：酸菜桂花魚 (小鍋 $218)佢提供各種魚鍋，例如酸菜魚，水煮魚，靑椒魚....而唔同嘅魚係唔同價錢，任君選擇。我地想食好啲，所以就揀左酸菜桂花魚另外都可以選擇辣度，我只有bb辣嘅level，所以要屈就好識食得辣嘅同行朋友陪我食小辣。佢嘅魚鍋係有電磁爐一路熱住，一路滾一路飄住酸菜同辣嘅香氣。係其他餐廳叫小辣，通常一係接近唔辣，又或者小辣依然辣到要狂飲野。而呢度嘅小辣對於我尼講係啱啱好，有辣嘅香同味，但又未至於食一兩啖就好想飲野，食得好舒服。桂花魚都相當唔錯，肉質結實又滑口，應該係用新鮮嘅桂花魚。酸菜芽菜開胃又惹味，美中不足唔包薯粉或者粉絲呢啲索湯嘅野而我地唔知可以叫🤦🏻♀️🤦🏻♀️🤦🏻♀️剁椒焗蜆呢個係好好食，一上枱已經好香。佢係無得揀辣度，但都係比酸菜魚辣啲，而且仲食到蜆嘅鮮甜味。啲蜆新鮮無
地點：
位於深水埗，係西九龍中心嘅對面，坐巴士地鐵都好容易搵到。佢唔係地舖尼嘅，但地面門口有擺水牌，沿住上樓梯就到。
環境：
一般小菜館嘅格局，普通嘅裝修。面積都算大，枱同枱之間唔會排到好密，以大枱為主，所以都坐得幾舒服。
食物質素：
酸菜桂花魚 (小鍋 $218)
佢提供各種魚鍋，例如酸菜魚，水煮魚，靑椒魚....而唔同嘅魚係唔同價錢，任君選擇。我地想食好啲，所以就揀左酸菜桂花魚
另外都可以選擇辣度，我只有bb辣嘅level，所以要屈就好識食得辣嘅同行朋友陪我食小辣。佢嘅魚鍋係有電磁爐一路熱住，一路滾一路飄住酸菜同辣嘅香氣。係其他餐廳叫小辣，通常一係接近唔辣，又或者小辣依然辣到要狂飲野。而呢度嘅小辣對於我尼講係啱啱好，有辣嘅香同味，但又未至於食一兩啖就好想飲野，食得好舒服。桂花魚都相當唔錯，肉質結實又滑口，應該係用新鮮嘅桂花魚。酸菜芽菜開胃又惹味，美中不足唔包薯粉或者粉絲呢啲索湯嘅野而我地唔知可以叫🤦🏻♀️🤦🏻♀️🤦🏻♀️
剁椒焗蜆
呢個係好好食，一上枱已經好香。佢係無得揀辣度，但都係比酸菜魚辣啲，而且仲食到蜆嘅鮮甜味。啲蜆新鮮無沙，份量大碟好抵食。
清炒土豆絲
本身怕啲嘢太辣就叫定個清炒土豆絲打底，土豆絲爽脆，雖然係清炒，但調味都相當惹味。我諗辣炒土豆絲應該會好好食。
酸辣涼拌薯粉
呢個初初以為會好辣，但因為有醋中和左嘅關係，所以我都挑戰到。凍食嘅薯粉更煙韌彈牙，配上酸辣嘅汁，好清新
服務：
侍應人數唔算多，但由電話訂枱到現場服務都好好，上菜又快。
價錢：
本身單價已經唔算貴，份量又大，所以好抵食，川菜尼講，值得一試
张贴
