魚鈁 (汝州街) (已結業)

午后轻食 S4 干炒什菜河（$46）套餐有例汤、凉菜小碟（香辣鱼片、泡椒凤爪、拍青瓜）、轻食、餐饮，坚抵食。例汤正常唔过咸；凉菜要咗拍青瓜，多蒜，微辣，清爽开胃；干炒什菜河有镬气，虽然唔系劲干身，但微湿嘅情况下亦都唔错，酱汁浓，味道足，什菜份量不少，河粉唔会碎湿湿。…查看更多

话你知，呢间鱼钫真系令人惊喜！第一次试佢地个麻辣锅，真系辣到我心口都暖笠笠🔥。个鱼春嘅口感，真系有啖啖肉咁实在，咬落去Q弹得嚟又不失嫩滑；而随佢嚟嘅鱼卜，每一啖都爽口得滑，几兴之余，又能够感受到啲辛香系咁渗入其中，舌尖上一阵阵嘅鬼马。再讲吓个麻辣田鸡，顶级好物啦！每只田鸡腿都系肥美，同麻辣汤汁嘅味道揼得妙啊！好正，真系几够晒水准，香辣得嚟又不过火，啱晒喜欢啖啖肉嘅你！特别赞嘅系，佢地嘅川北凉粉酸酸辣辣，差啲令我呢个辣控都忍唔住扒口涷水，解解辣，不过咁滑溜嘅质感就真系叫人停唔到口😋。讲到底，食物唔单止要好味，更要有心思。鱼钫就喺呢度攞到满分，食到你心满意足，下次再嚟，定必要带多啲朋友一齐分享呢个麻辣天堂！🍲🌶️🎉…查看更多

连续两个星期都嚟，一次系食酸菜鱼锅，一次系食重庆鸡煲；佢啲料好抵食，好大份，特别系蔬菜类！。🐟【酸菜鱼锅，中辣普通酸】即使拣咗中辣，辣度都还好，觉得可以接受；入面有好多鱼片，店员建议鲷鱼（好似系🤔），鱼质爽口，无咩嘢骨，容易食；🍋好钟意佢嘅「加大版」柠檬茶，大大杯够饮足，成餐饭。(^ ^)⋯⋯🐥【重庆鸡煲，中辣】中辣嘅鸡煲，超级惹味；但系因为边炉嘅时候只系加清汤，之后就变得好淡，店员有尝试加辣汁，但同原本𠮶个味好似有啲出入；▶️▶️▶️所以结论系：鸡煲好食，但系变边炉就麻麻哋！🐟「香辣鱼皮」皮厚，脆口，入味！『推！🌟』🍧佢啲沙冰就岀名大杯，好饮嘅，我哋都有点！。📍 鱼钫 (汝州街) (深水埗)深水埗汝州街307号米兰轩1楼…查看更多

个鱼春煲劲伏，劲难食又硬又实又咸发黑妈妈咁，好似旧翻炸好多次嘅猪扒咁，但明明我哋系中鱼春㖞🥴系咪奇怪先！ 我知道前身系铜锣湾𠮶间嚟嘅，𠮶时系好食好多好多，成日去宵夜，但知道执咗后就有点觉得可惜😢但最近经朋友讲开有间店嘅食物同旧店好似咁我就上网睇吓见到食物同餐牌系同旧店有9成相似，咁就约朋友去食就选择咗系深水埗店，点知中咗伏😵‍💫。杯青柠树又系好难饮，其他食物只系一般般，同朋友一致认同永冇以后！！！…查看更多

-麻辣鱼春鱼卜煲完全系为咗呢个而来，因为唔系到到都有得食，呢个煲可以自己拣辣度，鱼卜即系鱼鳔，有满满嘅骨胶原，质感好似食紧花胶咁，又唔会有腥味，鱼春都特别处理过，会先煎香外面𠮶层皮先加入个煲度。个煲嘅调味就好似平日嘅麻辣鸡煲咁，送饭一流，会越食越辣。最令我惊喜嘅系配料方面，有青瓜、萝卜和薯仔，令到个煲更加丰富，萝卜吸收咗麻辣酱汁好入味。豆豉鲮鱼油麦菜好咸，本身鲮鱼已经好咸，仲加咗大量豉油，所以呢个可以唔使点。推介食鱼春鱼卜煲！-…查看更多