小男孩 (已結業)

自從生日同男友黎呢度慶祝生日之後，耐唔耐就會好掛住baby blue o既食物~如果略嫌晚餐不平宜，lunch也是個不錯的選擇。星期日又同男友到銅鑼灣逛+搵食，腳步不其然就會逛上去。點了一個紅酒燴牛尾伴薯條及雜菌大蝦意大利飯，餐湯則是南瓜忌廉湯。牛尾炆得好"林"及入味，薯條一向係我o既摯愛，而呢度o既薯條亦冇令我失望，炸得外面香脆，內裏鬆軟。至於意大利飯，略覺比之前呢度食o既意大利飯水準稍為下降左少少，抑或係我地黎呢度食得次數太多o既緣故呢?甜品則係一件芝士味不太濃o既芝士蛋糕，相比起晚餐o既甜品當然有所不及啦~