影片
更多
2019-05-07
646 浏览
一向都好鐘意食日本嘢，近排食咗幾次Omakase ，愈來愈覺得omakase 比其他菜色更博大精深，亦愈來愈懂得欣賞。朋友話灣仔近利東街新開咗間日本人主理嘅江户前菜有omakase,所以就嚟試下。前菜四點：包括有果茄，湯頁（日本新鮮豆腐皮），玉子博多，黑倍貝。果茄鮮甜多汁，係世界上最甜嘅蕃茄之一，感覺好清新。日本豆製品非常出名，湯頁就能夠突顯出濃濃嘅黃豆味。玉子博多，同出面食到嘅玉子好大分別，味道比較清淡更能得出日本雞蛋嘅味道。黑倍貝螺肉清甜，呢4道前菜用清新幫助打開味蕾。第一道主菜，北海道真蠔，豪身差不多有手掌咁大，肉質肥美，口感Creamy，金屬味和海水味不重，散發濃濃蠔香，留於齒頰間久久不散，愛蠔之人不得不試!穴子苗即係海鰻bb，係季節性食材，一年之中只有兩三個月可以食得到。穴子苗本身沒有什麼味道，師傅加了秘製醬料，帶出了牠的鮮味。酒盜白蝦，十多隻非常幼小嘅白蝦刺身，上配有鰹魚肝內臟。每一隻蝦都係師傅親手竹逐隻逐隻袪除蝦殻，非常用心。白子，真鯛魚精巢，口感緊緻爽滑，咬下去，乳狀感在口中散開，有點類似雞子，但比雞子味道豐富，帶點蠔味。深海八爪魚，師傅首先將深海八爪魚拍打，用就意係令
前菜四點：包括有果茄，湯頁（日本新鮮豆腐皮），玉子博多，黑倍貝。果茄鮮甜多汁，係世界上最甜嘅蕃茄之一，感覺好清新。日本豆製品非常出名，湯頁就能夠突顯出濃濃嘅黃豆味。玉子博多，同出面食到嘅玉子好大分別，味道比較清淡更能得出日本雞蛋嘅味道。黑倍貝螺肉清甜，呢4道前菜用清新幫助打開味蕾。
第一道主菜，北海道真蠔，豪身差不多有手掌咁大，肉質肥美，口感Creamy，金屬味和海水味不重，散發濃濃蠔香，留於齒頰間久久不散，愛蠔之人不得不試!
穴子苗即係海鰻bb，係季節性食材，一年之中只有兩三個月可以食得到。穴子苗本身沒有什麼味道，師傅加了秘製醬料，帶出了牠的鮮味。
酒盜白蝦，十多隻非常幼小嘅白蝦刺身，上配有鰹魚肝內臟。每一隻蝦都係師傅親手竹逐隻逐隻袪除蝦殻，非常用心。
白子，真鯛魚精巢，口感緊緻爽滑，咬下去，乳狀感在口中散開，有點類似雞子，但比雞子味道豐富，帶點蠔味。
深海八爪魚，師傅首先將深海八爪魚拍打，用就意係令八爪魚嘅神經完全放鬆，令我哋食到鬆軟嘅八爪魚口感。呢個係我食過咁多個八爪魚之中，最鬆軟最食到八爪魚原本質感嘅一次，真係一試難忘。
凍食鮑魚，伴冬菇，配有秘製醬汁。鮑魚鮮甜多汁，肉質豐厚飽滿，柔軟而有彈性。鮑魚汁係用鮑魚內臟配製而成，令整道菜變得完美
鮟鱇魚肝，喺日本被視為補品，魚肝甘香肥嫩，營養豐富，質感比美鵝肝，細膩軟滑
壽司
彷彿魚肉質紮實，味道清甜
赤貝，鮮甜爽脆帶一點金屬味道
深海池魚，甜美，肉質爽口帶點油份，
金目鯛，有少少油脂使肉質感覺油滑細膩，非常新鮮
活帶子伴海膽，兩樣我的最愛放在一起。帶子鮮甜清新，海膽味再作點綴，真係人間極品
小肌，店員介紹，呢道係江戶前壽司嘅代表作，製作過程繁複，要用鹽洗醋醃，事前工序特別多，所以香港唔多地方可以食到，真係要用心品嚐。小肌味道甘香帶少少醋酸味，當中有少少腥味突顯返小肌原有味道。師傅功夫非常了得，佩服！
牡丹蝦，上面鋪滿燒蝦膏，師傅即席喺面前將蝦膏炒香放上牡丹蝦上，甘香鮮甜同一時間喺味蕾上爆發，一試愛上。
大拖羅，除了油脂還是油脂，喜愛油脂味濃的人一定大滿足。
醬油漬赤身，以自家調配醬油醃，嫩滑甘甜。
北海道馬糞海膽，非筆墨所能形容嘅鮮甜。比以往喺香港食過的日本馬糞海膽分別相當大，食到喺日本市場新鮮食嘅味道，好感動。。
吞拿魚茸小卷，吞拿魚茸軟滑即溶，師傅十分大方，小卷中的魚茸分量很多。
味噌文蛤汁，文蛤大大隻，放湯後依然鮮甜出衆。
甜品黑芝麻雪糕，係師傅親手做的，點芝麻味特別濃，而且非常滑。師傅由正宗江户前菜到甜品都做得十分完美，實在令人難忘。
张贴
