影片
以上资料只供参考，请与餐厅确认详情
🥰 老友 “意大利长介” 発现 厨师发板 “鮨生贤”, 今日终于带我嚟见识.🥢 “鮨生贤” 位于湾仔旧商业大厦二楼, 12:25pm 到达, 大门仍然关上, 走廊非常焗热. 扰攘一轮, 服务员出嚟开门, 第一印象系: 哗! 咁 “山寨” 嘅? 灯光略暗, 装修又有点残旧, 设一张L型十人寿司吧枱, 少少似 “家庭式经营”. “长介” 选择较平价嘅12道菜午餐, $680+10% (另一款系15 道菜, $880+10%).北海道珍蚝海螺白松贝右口鱼带子军曹鱼银鳕鱼脂肪主鲭鱼鲣鱼中大拖罗海胆吞拿鱼蓉手卷鱼汤蕨饼🦪 北海道珍蚝. 忌廉糖心嘅口感, 唔重海水金属味道, 有趣!🐚 海螺. 以青柠汁调味, 脆口, 清新!🐚 白松贝. 即系日本嘅象拔蚌, 玩切条, 口感充实, 越嚼越鲜甜.🐟 右口鱼. 据师傅介绍, 左口鱼系养鱼, 右口鱼系野生嘅. 首先食鱼肉, 甜美, 再食炙烧过嘅鱼边, 哗, 鱼油迫晒出嚟.🐚 带子. 喺厨房烧完, 攞出嚟, 用紫菜包住, 以为完美结合, 事与愿违, 带子少少过熟了.😱 军曹鱼. 我以为师傅讲笑, 原来真系叫 “军曹”, 乃罕见食材, 我忍唔住问师傅 “系咪即系 Keroro”, 口感柔润, 食落甜美.🍣 银鳕鱼. 出奇地柔滑细致, 今餐惊喜之一.🍣 脂肪主. 据师傅介绍, 系深海嘅大龙趸, 口感少似贝类. 食落真系唔太似鱼, 但又唔会觉得肥淋淋, 有趣!📖 翻查资料: "脂肪主" 又名 "油坊主", 外型似石斑, 体内油脂比例达 40%, 主要分布于北太平洋日本至美国加州海域, 日本主要产地包括千叶县, 北海道, 神奈川县.🍣 鲭鱼. 肉质滑溜, 鱼味浓郁, 姜葱蓉味道涌出, 绝配!🍣 鲣鱼. 玩烟熏, 烟味缓缓渗出, 余韵悠长, 冇得弹.🍣 中大拖罗. 熟成一星期, 酱油甘香味道带领, 成功提升鱼味, 又相当肥美.🐚 海胆. 忌廉口感, 合格吧.🤗 吞拿鱼蓉手卷. 用火枪烧放鱼油, 再捞埋吞拿鱼, 香喷喷, 出色!🥣 鱼汤. 热辣辣, 味道鲜甜, 配料嘅鱼肉, 睇落简单, 食落极度嫩滑, 诚意可嘉.🥠 蕨饼. 清爽, 唔会黐𥹉𥹉, 应该系我食过最好食嘅 蕨饼.🤗 总结: 装修虽然略旧, 但座位舒适阔落, 服务带温度, 贴心到位, 殷勤有礼, 服务员行番入吧枱酙酒, 唔会喺背脊搅嚟搅去. 师傅介绍食材非常清晰, 有问必答. 中午厨师发板 $680 定价唔平, 但材料十足, 几款罕见鱼料, 包括 军曹鱼, 脂肪主 等, 净系个名都够过瘾. 贝类又系岀色, 寿司环节充满惊喜, 包括 银鳕鱼, 鲭鱼, 鲣鱼. 留意, 恶人谷对 “鮨生贤” 嘅评价偏负面, 今日绝地平反了, 期待下次再访.
继续阅读
迟来的食评。我谂我成世人未食过出得咁慢嘅omakase。不断拖拖拖嘅原因，除咗因为师傅得一个人之外，仲因为师傅全程一路要同熟客吹水。第一，好嘈，本身omakase地方已经好细，仲要一班人同埋师傅几个钟不断大声讲大声笑，仲要强逼其他食客听晒佢地对话内容。我谂我真系唔好彩，撞正D熟客。第二，前面有食评提过，系卫生问题。个堆熟客撞师傅前面，全部不断讲野，有冇谂过人讲野都会喷几多口水出嚟，更何况系两个钟不断讲唔停？我真系好后悔食咗依间野，因为食完睇番先发现之前有几个食评都系话依度好嘈，埋单成二千嘅环境，系完全冇平静舒服嘅感觉，全程一直要忍受师傅、食客嘅大声喧哗、滋扰，心里不断好想快啲食完快啲走，偏偏一个午餐要拖足两个几钟。师傅同客人打好关系，固然系生意之道，但店主有冇心站在食客角度去提供一个适合omakase嘅环境，我非常质疑依种态度。唔系你不断拖时间拖到两个几钟先食得完就叫Omakase。
继续阅读
Have been to chef kens place a number of times and there is surprise every time. The ingredients are so fresh and he gets his seasonal ingredients on a daily basis! We love the uni and Toro so much!!! This time we had the Hokkaido oyster which is the size of our hand😊 and it’s so fresh we ordered another one!!!Its around HK$2k per person and we were sooo full in the end! It’s def a must have if u are a sushi fan!
继续阅读
听讲呢间#鮨生贤喺湾仔系好出名晚市有啲贵 所以lunch比较抵食啲omakase $880 15贯因为其实都挂住食所以冇乜点影相其实食物都算新鲜蚝都几creamy拖罗都好食又无咩筋不过唔知系咪因为师傅好多熟客所以佢哋会用好多时间同啲客倾偈上菜呢就会慢咗 而且会有啲嘈我认为失去左日本传统果种静好难享受到食得开心🥲
继续阅读
朋友介绍嘅呢间omakase 地点都几隐世🤫师傅风趣又好乐意讲解每款食材嘅特别之处 食之余仲学到嘢🤹🏻🥳一开始就系时令嘅花咲蟹🦀 蟹肉好甜 师傅👨🏻🍳话呢款蟹最靓系7月食 我哋又好好彩因为佢入到只又大又靓嘅 蟹肉上面加咗超浓郁嘅蟹膏酱 形容唔到个满足感😋之后师傅再整个石桓贝 劲新鲜同爽口鲜甜 🍣仲有令我好难忘嘅鲍鱼同伊势海老 即系龙虾🦞只龙虾好猛 加上虾膏一啖入口超满足鲍鱼系大过我块面嘅千叶黑鲍 咁大只从未见过😨不得不提师傅拿手嘅熟成鱼刺身 熟成嘅刺身肉质会比较实在 越熟成得耐 味道就越浓 真系唔系咁易食得到 呢一餐真系食到饱到上心口 一共18道 甜品都唔可以错过 系咖啡拖肥味嘅雪糕🍨💰价钱$1600一位 👉🏻鮨生贤 湾仔厦门街7-17号百旺都中心2楼A号舖.__________#厨师发办 #石桓贝 #龙虾刺身 #伊势海老 #湾仔日本菜 #拜托了 #日式料理 #隐世小店#omakase #sushi #japanesefood #sashimi #foodporn #sushilovers #foodstagram #japanesecuisine #omakasesushi #sushitime #yummy #foodphotography #sushiporn #sushichef #seafood #fish #foodpic #japaneserestaurant#おまかせ #いせえび #うに __________
继续阅读