影片
更多
2023-06-29
412 浏览
尖沙咀新咖啡店❣️‘Calme’ 係法文，譯做英文係放鬆、悠閒嘅意思，因此咖啡店理念係想提供客人一個安靜舒適嘅空間😌咖啡店仲起試業期間，餐牌會更改 (7月1號開始有新餐牌)，暫時見到有ADB, toasts, bagels, pasta, french toast等，當然唔少得咖啡同茶老闆話佢哋招牌菜式係「法式多士」，將會推出朱古力、抹茶、焙茶味道，仲要配合雪糕🍦我哋今次冇機會試到，大家下次嚟記得試呀！▶️ 樱花蝦滑蛋配酸種多士 Sakura shrimp scrambled egg toast ($78)賣相吸引，炒蛋灑上櫻花蝦米，上面落咗大量鰹魚乾 (一上枱就聞到勁香)，旁邊有兩塊厚多士炒蛋應該係1-2隻蛋嘅份量🍳炒至微微濕潤，冇特別調味或用牛油，所以食到雞蛋最原本好homemade嘅味道櫻花蝦味道唔出，主要靠鰹魚乾鰹魚乾一塊塊，配合濕潤嘅炒蛋幾夾，仲增添咗和風味道 (通常食到鰹魚乾會諗起章魚燒/大阪燒)，比較少cafe會採用呢種食材最鍾意係佢個多士，同平時食開嘅酸種多士唔同🥖呢個好厚身 (唔難切)，味道似裸麥麵包，冇酸味但鹹鹹地落咗少少牛油去烘烤，邊邊位燶燶地非常香脆，有啲似dani
‘Calme’ 係法文，譯做英文係放鬆、悠閒嘅意思，因此咖啡店理念係想提供客人一個安靜舒適嘅空間😌
咖啡店仲起試業期間，餐牌會更改 (7月1號開始有新餐牌)，暫時見到有ADB, toasts, bagels, pasta, french toast等，當然唔少得咖啡同茶
老闆話佢哋招牌菜式係「法式多士」，將會推出朱古力、抹茶、焙茶味道，仲要配合雪糕🍦
我哋今次冇機會試到，大家下次嚟記得試呀！
▶️ 樱花蝦滑蛋配酸種多士 Sakura shrimp scrambled egg toast ($78)
賣相吸引，炒蛋灑上櫻花蝦米，上面落咗大量鰹魚乾 (一上枱就聞到勁香)，旁邊有兩塊厚多士
樱花蝦滑蛋配酸種多士 Sakura shrimp scrambled egg toast
$78
16 浏览
0 赞好
0 留言
炒蛋應該係1-2隻蛋嘅份量🍳炒至微微濕潤，冇特別調味或用牛油，所以食到雞蛋最原本好homemade嘅味道
櫻花蝦味道唔出，主要靠鰹魚乾
鰹魚乾一塊塊，配合濕潤嘅炒蛋幾夾，仲增添咗和風味道 (通常食到鰹魚乾會諗起章魚燒/大阪燒)，比較少cafe會採用呢種食材
最鍾意係佢個多士，同平時食開嘅酸種多士唔同🥖呢個好厚身 (唔難切)，味道似裸麥麵包，冇酸味但鹹鹹地
落咗少少牛油去烘烤，邊邊位燶燶地非常香脆，有啲似danish toast，而麵包肉就有嚼口
最特別係加咗唔少其他配料，例如南瓜籽、合桃、提子乾，有質感之餘，食落又脆又甜😋非常豐富
▶️ 瑪格麗塔酸種多士Margarita toast ($78)
一片厚多士上面搽咗厚厚一層青醬 (pesto)，再放上一粒粒車厘茄同水牛芝士🤏🏻
瑪格麗塔酸種多士Margarita toast
$78
14 浏览
0 赞好
0 留言
朋友鍾意青醬好濃香蒜味💚
車厘茄夠特別，蕃茄味以上帶一浸微微芳香味，問廚師先知原來用咗桂花同蛇舌草醃😍去咗皮去醃所以十分入味多汁
水牛芝士味道偏淡，個樣好似蛋白😂鍾意芝士嘅朋友仔可能會嫌佢唔夠重芝士味，不過我哋覺得ok
多士同上面嗰個一樣，但係細份啲
-
整體食物調味、賣相、配搭都做得好好，睇得出有落功夫
以cafe來講舖頭算好大，色調為白色配金色，枱面選用雲石面，另外仲有吧枱，有種高貴feel，不過暫時未有一啲「打卡位」
服務唔錯，老闆同廚師都好樂意同客人溝通☺️
用QR code落單，上菜速度快
價錢偏貴咗少少🤏🏻因為份量偏細 (一開始有啲被佢嘅size嚇親)，可能每人叫多杯飲品同甜品做lunch先夠飽，幸好暫時事業期間未收服務費
一路食一路聽到老闆喺度思考同討論食物擺盤、環境、食物選擇等等，睇得出佢哋好努力想做好間cafe👍🏻
希望佢哋越做越好，會不斷接受客人意見同進步，為客人提供一個更完善嘅cafe體驗！
值得大家去支持下❣️
张贴
