影片
更多
2024-05-11
18 浏览
Arte by Padaria📍尖沙咀河內道18號K11購物藝術館B2樓Kiosk 5我有位識食嘅中學同學喺社交平台分享一個造型好有趣嘅可頌夾心球，大讚好食，吸引到我嘅眼球，一直都bookmark住，趁有機會就買嚟試試。後來有一次去尖沙咀行街時，發現呢間舖頭進駐咗K-11 Art Mall，咁近地鐵站，無理由唔買返一兩件嘅！去到店舖個kiosk，見到佢哋除咗有好多人介紹嘅可頌夾心球，仲有兩款全新產品：創意曲奇同慕斯撻！店員介紹曲奇系列中共有8款口味，每款都有兩至三種唔同口感嘅餡料，望落都好似幾好味；而慕絲撻系列則以多種新鮮水果同堅果為主，精製出6款浪漫法式風格裝飾嘅甜品，件件都好靚好吸睛。由於我哋去到嘅時候已經得返少量口味嘅可頌夾心球，而且慕絲撻賣相同口味更為吸引，所以我同朋友一人揀咗一件作為飯後甜品。香蕉太妃批 🍌香蕉太妃批係傳統英式甜品，又稱為Banoffee Pie (banana + toffee) ，選用新鮮香蕉，配上綿密嘅mascarpone cheese同自家製嘅toffee製作，味道香甜，口感細膩柔滑。酥脆嘅撻底加入手工朱古力，為甜品增添層次感。因為有香蕉中和甜膩感，所
📍尖沙咀河內道18號K11購物藝術館B2樓Kiosk 5
我有位識食嘅中學同學喺社交平台分享一個造型好有趣嘅可頌夾心球，大讚好食，吸引到我嘅眼球，一直都bookmark住，趁有機會就買嚟試試。後來有一次去尖沙咀行街時，發現呢間舖頭進駐咗K-11 Art Mall，咁近地鐵站，無理由唔買返一兩件嘅！
去到店舖個kiosk，見到佢哋除咗有好多人介紹嘅可頌夾心球，仲有兩款全新產品：創意曲奇同慕斯撻！店員介紹曲奇系列中共有8款口味，每款都有兩至三種唔同口感嘅餡料，望落都好似幾好味；而慕絲撻系列則以多種新鮮水果同堅果為主，精製出6款浪漫法式風格裝飾嘅甜品，件件都好靚好吸睛。
由於我哋去到嘅時候已經得返少量口味嘅可頌夾心球，而且慕絲撻賣相同口味更為吸引，所以我同朋友一人揀咗一件作為飯後甜品。
香蕉太妃批 🍌
香蕉太妃批係傳統英式甜品，又稱為Banoffee Pie (banana + toffee) ，選用新鮮香蕉，配上綿密嘅mascarpone cheese同自家製嘅toffee製作，味道香甜，口感細膩柔滑。酥脆嘅撻底加入手工朱古力，為甜品增添層次感。因為有香蕉中和甜膩感，所以食多兩啖都唔覺膩，不論造型或味道都非常出眾。
焦糖合桃慕斯撻 🧁
另一款賣相同樣華麗精緻，mousse帶有濃甜香醇嘅焦糖味，以粒粒合桃同堅果製成脆脆餅底同圍邊點綴，配埋入口即溶嘅裝飾用朱古力，食過翻尋味。
张贴
