ARIA (已結業)

再次嚟到蘭桂坊加州大廈24樓食brunch!位於24樓嘅aria 環境開揚，遠眺維港，逢週末提供意式早午半自助餐。除咗海鮮，前菜、沙律同甜品都係任食㗎，refill速度亦好快，可以由12點食到3點。如自助吧唔夠食可以加錢要主菜，想飲酒可以加free flow。﹆ weekend brunch $668𖦹海鮮有生蠔、波士頓龍蝦、帝王蟹腳、麵包蟹、凍蝦、螺、煙三文魚等。其中生蠔新鮮好濃海水味；麵包蟹超多膏，長腳蟹啖啖肉，一定要食多啲海鮮回本呀。𖦹前菜包括水牛芝士配番茄、多款沙律、青醬長通粉、火腿、芝士等，最特別嘅一定係原塊蜂蜜，配麵包食很正。𖦹甜品有雪糕、朱古力蛋糕、tiramisu、馬卡龍、水果等，仲有好耐無見過嘅朱古力噴泉，童年回憶返曬嚟。