金記冰室 (創紀之城五期(apm)) (已結業)

去左觀塘傾嘢，無去三四個月，好多店舖都唔同左。比我地見到間幾靚的冰室就試吓！ 我點左無骨海南雞飯,飯用左油飯， 飯軟身香口， 雞既皮係脆的， 肉質偏嫩， 夠啖啖肉。 雞肉亦有濃郁雞味，口感嫩滑不韌，油飯色澤微黃，質感偏向黏糯，但不油膩。 湯可以自選，未必一定要雞湯， 我選左羅宋湯， 酸酸地，同海南雞飯幾夾咁！ 雪糕紅豆冰，嗰樣幾靚，有少少椰汁味，唔會太甜，夠曬紅豆，愛食紅豆粒的必點！我就覺得偏傑身左啲，多返啲水份就好了！ 庶蝦都係用左籃仔放， 庶條偏細小，但很juicy的。 庶蝦肉質彈牙，一啲都唔實，點埋啲雞醬食就最好。 冰室從此唔係響地舖食到，連大商場都有，隨時食到冰室美食了。