千賀水產の鮮鍋道場 (已結業)

朋友仔最近去咗一間新開的熱店，食過返尋味，話要帶埋我去。睇一睇地址，喺銅鑼灣假日酒店入面，即刻令我充滿期望。酒店入口一搭lift上去就係，出lift已經見到大招牌。晚市放題任食，聽個名以為係主打刺身，原來呢度係火鍋為主。最正係不限時，唔使趕頭趕命。環境整體都算舒適同舒服，裝修都幾有格調。唯獨是侍應反應比較慢。原來我哋個套餐都包左好多野，包括有一次性的環球美食，無限追加的配料，同自選湯底。全部都唔使加錢，咁又幾抵食啵！再出去行個圈，好似自助餐咁，琳琅滿目。唔怪得我朋友仔食完一次就話一定要帶我來啦！鴛鴦湯底當中，我比較喜歡壽喜燒，夠濃又夠甜。環球美食一上枱，即刻令到我哋全體女士心心眼！牛肉一睇就知道係好高質的和牛質素，肥瘦均勻，油花分明。海鮮拼盤好豐富，有七款海鮮，幾款貝殼類都十分鮮甜。四色刺身拼盤相對冇咁精彩，但亮點在於象拔蚌刺身，爽口又鮮甜，估唔到餐廳咁重手，放題都有象拔蚌刺身供應。雖然佢有唔少食物係任食，但一次性的環球美食已經係超豐富，有質又有量，食晒都差唔多半飽了。如果有時間，可以早啲到，傾吓計消化下又出去作戰。