滿福樓 (已結業)

父親節快樂!!今朝一家人跟爸爸一齊飲茶慶祝父親節，聽聞呢度嘅大名已久，今次終於可一試傳說中嘅义燒，實在興奮。環境及service都係一流嘅，外面仲有一個小花園，配合室內古典嘅裝修，真係有D清幽古雅嘅feel。呢度亦係名流聚集嘅地方，一入門就見到許冠文一家坐响度飲茶。但對我嚟講，嘢食好食最緊要。叫咗好多嘢食，真係講都有排講...蝦餃燒賣--- 秉承傳統製法，蝦餃入面肥肉及蝦肉參半，皮做得幾煙靱；燒賣以豬肉為主，肉結實，應該係手啄嘅，唔差；春卷--- 皮夠脆，豬肉及蝦肉餡比例適中，OK;金錢肚--- 肚炆得夠腍，但味較淡，唔啱口味；鹵水豬腳仔--- 鹵水夠味，豬腳仔炆得夠腍，幾好味；XO醬炒腸粉--- 普通貨色；韮菜餅--- 煎得夠金黄，餡夠多亦夠味，但比較油；酥皮义燒餐包--- 面頭嘅菠蘿皮焗得幾香亦夠酥，飽亦夠軟熟，可惜嘅係顏色唔夠金黃，餡亦不夠多，跟"車氏"比仲有一段距離；燒味拼盤--- 萬眾期待嘅义燒終於出場la，一望落去，先係睇到D邊位唔係幾燶，肉係半肥瘦嘅，一口咬下，都幾香油脂，亦幾夠熱，但感覺係太甜(因為搽得太多麥芽糖係面)，有D美中不足；拼盤內嘅乳豬嘅皮都幾脆口，另外海蜇都