荔枝山茶座 (已結業)

自己住附近，平時都有去茶座食晏，午餐焗飯唔錯，環境又好。今日行過見到出左$99任食火鍋，仲平過買野反屋企打邊爐，梗係要試下。6點半去到唔使等位，不過愈坐愈多人。湯底包埋唔使加錢，揀左痳辣湯底。湯底幾夠味，仲愈滾愈辣。食物選擇ok，滑牛，魚皮餃，牛栢頁，雲吞都唔錯，特別係雞件，一啲雪味都無，正！99蚊加多10蚊任飲汽水，唔使加一。兩個人埋單$218，大埔區黎講真係好抵。