影片
更多
2022-07-02
228 浏览
平時食烤魚雞煲起碼都要百幾蚊，呢間嘅午市烤魚雞煲一百蚊有找，超抵食！$88可以食90分鐘，食完仲可以出去夾配料打邊爐，飲品啤酒任君選擇。舖頭唔係特別大，但都勝在夠企理乾淨，店員服務態度都好好，唔會黑口黑面。------------------------------🐔◖麻辣雞煲放題◗ $88兩個人嘅麻辣雞煲係得半隻雞，如果想加雞要加錢，再唔係就自己出去夾啲雞件返黎。雞件幾嫩滑，麻多過辣，唔太食得辣都頂得順，但就略嫌鹹咗少少，不過之後加湯打邊爐就啱啱好。🌟◖升級放題◗ +$40加多$40可以有多幾款火鍋配料，有鮮牛肉、鮮蝦、魷魚同龍脷柳，值得加！牛肉肉味濃，肉質鮮嫩，份量仲要幾多下！鮮蝦同魷魚就用竹籤串起，一啖食曬，食落都幾就方便。淨食佢個牛肉已經返曬本啦！ Encore指數：8/10------------------------------除咗雞煲，仲有酸菜魚、麻辣魚可以揀，條魚都好大條！自助區有唔同款嘅丸類、菜類，仲有肥牛、腩肉、雞件等可以任拎，種類都係大路嘢，唔係太多款式可以揀，但絕對對得住呢個價錢！
------------------------------
🐔◖麻辣雞煲放題◗ $88兩個人嘅麻辣雞煲係得半隻雞，如果想加雞要加錢，再唔係就自己出去夾啲雞件返黎。雞件幾嫩滑，麻多過辣，唔太食得辣都頂得順，但就略嫌鹹咗少少，不過之後加湯打邊爐就啱啱好。
🌟◖升級放題◗ +$40
加多$40可以有多幾款火鍋配料，有鮮牛肉、鮮蝦、魷魚同龍脷柳，值得加！牛肉肉味濃，肉質鮮嫩，份量仲要幾多下！鮮蝦同魷魚就用竹籤串起，一啖食曬，食落都幾就方便。淨食佢個牛肉已經返曬本啦！
Encore指數：8/10
------------------------------
除咗雞煲，仲有酸菜魚、麻辣魚可以揀，條魚都好大條！自助區有唔同款嘅丸類、菜類，仲有肥牛、腩肉、雞件等可以任拎，種類都係大路嘢，唔係太多款式可以揀，但絕對對得住呢個價錢！
张贴
