廳最近晚市做緊$88迷你精緻小菜系列，份量專為一至兩人設計，可以試多幾款唔同菜式又唔怕浪費。開動前先奉上鹹菜功夫茶，傳統潮州待客之道即刻返晒嚟！
1
招牌滷水鵝肝 $138/半份
先來一份鎮店招牌菜，半份鵝肝大約有四片，並有四片滷水豆腐墊底。鵝肝咬落去係瞬間化開嘅creamy質感，滷水香氣由淺至濃慢慢滲出。墊底豆腐吸盡鵝油同滷汁精華，滑溜得嚟又夠入味。
精緻茘芋香酥鵝 $88
經典懷舊功夫菜，外層炸衣薄如蟬翼，咬落「咔嚓」聲之後係綿密芋蓉，芋香濃郁，鵝肉絲藏喺中間位置，如果肉量再多啲就更好。廚師將油控得夠乾脆，食完成件都唔會膩喉。
汕頭煎蠔餅 $88
蠔餅外脆內濕潤的雙重質感超好食，蠔仔粒粒飽滿，粉漿只係薄薄掛層，重點突出蠔肉鮮甜。記得要蘸埋鹹鮮魚露，即刻提升層次，送粥送飯都咁完美。
其他迷你精緻潮式小菜仲有魚露花蛤皇、尚潮醬燒骨、潮式炒魚麵、潮式酸菜煮魚片等可選。潮洲白粥 $15、絲苗白飯 $15、茗茶 $15/位
