茶王冰室 (洗衣街) (已結業)

又係星期六 終於都放假又可以訓耐d 想去冰室飲下奶茶放慢下節奏 之前聽過旺角一間冰室好似幾吸引 就決定去試下 叫咗沙爹蛋包包 綠茶多士 叉燒滑蛋飯 招牌茶王之王同樽裝奶茶環境方面係唔錯 可以望到水吧師父沖奶茶 食物方面其實算係正常唔係特別有驚喜 蛋係好滑 綠茶多士就食唔到綠茶味奶茶方面 88蚊杯茶王之王 自己可能本身預期太高同埋自己唔係飲奶茶既專家 所以其實飲唔到有咩分別再加上係無落糖 對比之下 我反而覺得樽裝奶茶仲好飲 個樽都好靚