喜鍋 海鮮‧火鍋‧小廚 (已結業)

星期一晚約咗位朋友去旺角打邊爐，去到門口先知原來分享去社交平台仲有88折，梗係唔好執輸啦！我哋揀咗個藥膳醉雞鍋（$148），估唔到半隻雞嘅份量有咁大，直頭唔使再單點雞件。仲有一上枱時已經聞到好香嘅藥膳味～然後試咗佢哋推介嘅鴛鴦墨魚油炸鬼（$68），係黑松露同蟹子嘅油炸鬼。我仲傻到以為係for打邊爐，其實係一個小食嚟嘅。我較鍾意食黑松露嗰份，因為真係好勁香。時令二人海鮮拼盤（$128）好掋食，呢個價錢已經有晒大蝦、鮑魚青口元貝同蜆。全部都好新鮮，特別係個鮑魚竟然一啲都唔韌。其他火鍋配料包括讚岐烏冬（$18）同份量好多嘅蔬菜拼盤（$48）。