越男仔Express

营业中

休息中

湯真係夠酸，但個酸味同椰汁、牛肉唔太夾。可能因為個椰汁唔夠香濃，食唔出椰奶味，仲蓋過咗牛肉嘅鮮味。牛肉口感就普普通通，冇乜特別，不過都算OK啦。湯檬粉我就麻麻哋，質感有少少"膠"，我個人比較鍾意煙韌有咬口嘅麵。成碗嘢最大優點係份量夠多，食咗一半都已經好飽。如果你好鍾意食酸嘢可以試吓，否則就唔太推薦。 反而雞絲越南米紙卷真係好食！口感好清新，米紙煙煙靭靭，入面仲有啲軟滑嘅粉絲，加埋爽脆嘅蔬菜，層次好豐富，食落好開胃！