越男仔Express

湯真係夠酸，但個酸味同椰汁、牛肉唔太夾。可能因為個椰汁唔夠香濃，食唔出椰奶味，仲蓋過咗牛肉嘅鮮味。牛肉口感就普普通通，冇乜特別，不過都算OK啦。湯檬粉我就麻麻哋，質感有少少"膠"，我個人比較鍾意煙韌有咬口嘅麵。成碗嘢最大優點係份量夠多，食咗一半都已經好飽。如果你好鍾意食酸嘢可以試吓，否則就唔太推薦。 反而雞絲越南米紙卷真係好食！口感好清新，米紙煙煙靭靭，入面仲有啲軟滑嘅粉絲，加埋爽脆嘅蔬菜，層次好豐富，食落好開胃！ …查看更多

喺德福玩完夾公仔掟銀仔，近近地走入隔離嘅Foodeli，睇吓會唔會咁啱有冇位坐低食晚餐，呢度都算多位容易搵，喺度諗食乜嘅時候，就揀咗對正座位嘅呢一間「越南仔」。佢都有幾多選擇，叫咗個晚市套餐，有熱飲，仲有碗湯，湯仲有得揀冬陰功添～今次食呢個炸豬排、炸雞黃薑飯，基本份量都還可以，豬排同雞外皮都炸得金黃鬆脆，講真係意想不到嘅～有啲驚喜；至於黃薑飯，色就有啦，但味就唔係好夠，真係要再調教吓～冬陰功湯諗住都會好辣，但飲落又唔係喎，我諗應該係因為例湯關係啦，易入口啲～下次可以再食吓第二個餐嘅～～…查看更多

跟朋友過來九龍灣這邊行街，九龍灣真是美食天堂，很多餐廳，所以都揀了一段時間，剛好來到food court這邊覺得很肚餓，發現了這間名字那麼特別的，所以就試下，價錢味道不錯，合格！…查看更多

越男仔喺附近行開唔知食咩好，就入黎試下越南菜，價錢適中，味道都好食 。C1 -招牌精裝海南雞黃薑飯雞肉鮮嫩滑口，飯充滿黃薑味。加埋特製醬油，讓每一口都充滿層次感！值得一試！如果鍾意食黃薑飯嘅朋友就一定要嗌一碗試吓。手撕雞沙律雞肉鮮嫩，唔會嚡，配上蔬菜，口感清新。沙律醬汁恰到好處，令整體味道更添層次手撕雞檬紙卷檬紙薄脆，用來包手撕雞，好適合。味道清新，搭配特製醬料，味道豐富，值得一試！青瓜青檸梳打味道清新，可以一試…查看更多

經過food court個職員係咁Sell話佢哋下午茶好抵食，就叫咗個L8 ：皇牌3+2撈檬粉（手撕雞+豬頸肉絲+脆豬肉+扎肉絲+烤牛肉）$68感覺好一般，檬粉好碎，夾到夾唔起，嗰五樣嘢好似啲頭頭尾尾執埋俾你咁一陣另外叫咗個下午茶T7:法式芝心蝦多士配沙律，蝦多士四件，唔多，不過味道還可以，但係要$49…查看更多

德福廣場咁多野食 其中food court選擇多 價錢又親民 岩曬做飯堂 而越男仔份量仲好多 幾抵食🐮牛豬蕃茄湯檬粉套餐 $95食越南野點少得牛肉粉呢道菜有🔸️熟牛🔸️烤牛🔸️豬頸肉🔸️豬扒 好豐富烤牛肉香口惹味豬頸肉幾大塊 又肥美豬排外皮煎得脆脆 入面肉質腍👏🏼🥗黑糖無骨鳳爪沙律無骨鳳爪食得爽皮 微辣又過引🥙手撕雞檬紙卷 2件涵料飽滿 鋪滿曬雞絲😇🐷招牌蔥油三味配黃薑飯套餐 $100有🔸️豬頸肉🔸️豬扒🔸️燒扎肉燒札肉有火炙味 幾驚喜🤪份量好多 單點都夠曬飽🐥手撕雞沙律＆越式炸春卷好大條春卷 超多涵新鮮炸好 脆卜卜 配埋魚露汁fit曬💭食物味道正宗 份量又多 套餐仲有沙律小食 大胃王之選🤤#devietson #越男仔 #越南美食 #越男仔九龍灣店 #九龍灣美食…查看更多

📍越男仔（九龍灣） 今日在九龍灣德福廣場逛街，順便在food court 試下「越男仔」這間以越南風味見稱的特色餐廳。晚市套餐很抵食，人均$70-90有交易。窩蛋烤牛肉黃薑飯$70烤牛肉多汁入味不老柴，黃薑飯用絲苗米，好軟熟，有淡淡薑黃味。鎮店四鳥椰汁酸湯檬粉 $85有四樣配料：包括脆雞皮、手撕雞、雞件及香脆雞，最喜歡嫩滑的雞件同外脆內軟的香脆雞。湯底有落椰汁配合酸湯，味道層次很豐富。煙三文魚沙律 🥗跟餐+$15三文魚配上椰菜，作為餐前小食，加上檬汁，越食越開胃。手撕雞檬紙卷（2件） 跟餐粉皮包住雞肉蔬菜配合檬汁，酸酸哋好開胃，夏天食一流跟餐加配飲品椰汁冰$22（凍飲+$3）、椰奶咖啡$22味道好出，好足料…查看更多

位於德福廣場food court內，餐牌有越式粉麵、海南雞飯同小食，晚餐價位大概$60-$80，可以特價加配飲品，係商場內較經濟嘅選擇🎈招牌精裝海南雞配黃薑飯海南雞食落啖啖肉，肉質嫩滑而且雞皮部份無肥膏，口感爽彈好加分👍🏽黃薑飯賣相吸引，帶淡淡黃薑獨有香味，有時簡簡單單就係最好味🎈招牌手撕雞+扎肉椰汁酸湯檬粉撈檬比想像中大碗，性價比頗高，椰汁湯底味道微酸帶椰子清香，熱辣辣得嚟又好味🍜手撕雞索晒湯，加上扎肉，配檬粉真心正🎈蔥油香茅豬扒拼豬頸肉香茅豬扒金黃香脆，內裡肉汁滿滿口感相當好豬頸肉厚切彈牙，配上蔥油香味更濃郁…查看更多

放假去德福嘅food court食晚飯。搵到間性價比好高嘅越南菜！✨蔥油香茅豬扒配黃薑飯 $59黃薑飯軟綿而且香氣十足。份量相當多，有成兩至三碗飯。豬扒肉質軟腍，充滿香茅嘅味道。反而蔥油嘅味道冇平時中式燒味飯嗰啲咁濃。✨皇牌3+2撈檬粉（手撕雞＋豬頸肉絲+脆豬肉+扎肉絲+烤牛肉） $68配料嘅份量好多！烤牛肉又腍又入味，烤得夠香。手撕雞嘅麻油味好濃郁，估唔到配越南嘢都幾好食。✨胡志明市紅蕃茄四寶湯檬粉（豬扒＋豬頸肉＋脆豬肉+扎肉）$73蕃茄湯底好濃郁，酸酸甜甜好開胃。又係料多過粉，性價比好高。脆豬肉本身有烤過嘅香氣，加埋個蕃茄湯超級好食。…查看更多

九龍灣德福Foodeli food court 好多野食，但口淡淡無咩胃口～最後揀左食越南野～酸酸甜甜開下胃！晚餐時段6點幾左右已經好多人…搵左一陣位先有位坐～叫左：1）皇牌3+2撈檬粉有好多配料，有手撕雞、煎豬頸肉絲、炸脆豬肉、扎肉絲和烤牛肉。一碗好大碗好足料！充滿左層次感和豐富既口感。一啖食到唔同肉種既口味🤤從柔軟既手撕雞到脆爽口既炸脆豬肉，再到鹹鹹地既烤牛肉再撈埋檬粉的米粉一齊食，真心唔錯👍🏻撈埋配製酸甜汁..味道好有越南風味👍🏻👍🏻2）招牌精裝海南雞配黃薑飯超級抵食！$68有一大碟飯！大大份海南雞，肉質嫩滑多汁，黃薑飯香氣十足，唔係得個樣！味道都好好食呀！黃薑飯香氣同口感和普通平時米飯有所不同，會帶有微微黃薑香味，食落仲有少少椰子味，食落好香口好好味👍🏻$68完全超值！3）凍鹹檸七跟餐加配+$9，解渴之選～4）鮮椰青：跟餐+$37，抵唔抵見仁見智，因為我好想飲，所以加左💓好大個，但缺點無咩椰水🥹口感清爽好清甜～…查看更多

今晚去咗德福商場Foodeli 食飯，揀咗「越男仔」，真係唔錯👍🏻 。蔥油香茅豬扒配黃薑飯🐷🍚個香茅豬扒肉質鮮嫩多汁，一口咬落去，蔥油嘅香氣同豬扒嘅美味相互輝映！加埋薑黃飯，口感綿密香濃，真係好味！👌香茅豬扒冬蔭公湯檬粉，🥣湯底鮮甜醇厚，豬扒嘅香茅味道濃郁，再加上檬粉嘅酸爽，味道絕對令人回味😋。雙層芝士豬頸肉撈檬粉，🧀撈麵加上芝士，濃郁嘅芝士味道瞬間爆發！再配上豬頸肉嘅嫩滑口感同酸酸地嘅檬粉，真係好味！👍值得一試嘅餐廳！…查看更多

原來德福二期food court都幾多餐廳選擇，前幾日同媽媽去快食個晚餐，試咗間越南菜，味道都幾好，幾抵食又大份！呢間越南菜餐廳有幾間分店，有晚餐set，而家做緊promotion，晚市飲品減$8，幾抵！想快食一餐唔錯嘅晚餐，呢間都係一個好選擇！🔸招牌手撕雞+扎肉椰汁酸湯檬粉Combo Set $95呢個酸湯檬粉幾好食！酸酸地好開胃🤤 仲有啲椰汁味～ 第一次食呢種湯底，幾鍾意！手撕雞幾軟熟唔乾，有4去扎肉，味道正常發揮～ 檬粉份量好多，加埋個湯一齊食吸晒味，真係幾開胃👍🏻 Set包咗個沙律，揀咗黑糖無骨鳳爪沙律，鳳爪幾爽口，但就唔係好覺黑糖味～ 仲有個小食手撕雞檬紙卷，都幾大件，米紙包住檬粉，上面有啲手撕雞，點少少撈檬汁齊食，唔錯！🔸熱龍眼花蜜茶 +$14本身跟餐價$22，而家更抵飲～ 自家製嘅龍眼茶，感覺健康養生啲😂 唔會太甜，有幾粒龍眼肉食！🔸窩蛋香茅烤牛肉黃薑飯 $70烤牛肉份量好多！幾入味又軟腍！幾好食！伴菜紅蘿蔔絲酸酸地，黃薑飯份量都好多，味道唔係好濃，加埋香蔥同牛肉一起食幾正！仲有隻蛋可以撈下👍🏻…查看更多

︎ 同朋友仔行街行到咁上下就黎到food court 醫肚行完一圈揀左越男仔小食同飲品都有做緊優惠雖然要排隊但都唔洗等好耐就有得食lu😍♡⋯⋯食評⋯⋯♡ ☻ 4.4/5 🫧香茅豬扒冬蔭公湯檬粉 $68份量比得好足 大胃王都食得飽 性價比好高豬扒大大塊 厚肉食得特別過癮🤤冬蔭公湯唔會好辣 食唔到辣的朋友都食得檬粉吸收哂啲湯汁 好惹味😏·🫧招牌手撕雞+扎肉椰汁酸湯檬粉 $73湯底的椰汁味比較突出手撕雞肉質嫩滑 加埋扎肉好豐富😜😜😜🫧蒜香牛油脆雞翼 以$29優惠價加購牛油雞翼炸到好脆一夾起聞落已有好者濃牛油味🧈🫧熱椰香漏漏啡 $26🫧熱檸檬水 $9…查看更多

上桌的檬粉散發出檸檬的清香，令人垂涎欲滴。豬頸肉撈搭配了韌性十足的檬粉，入口回味無窮。豬頸肉經過特殊的調味和燒烤，肉質鮮嫩多汁，帶有微微的炭燒香氣。撈檬粉時，豬頸肉的鮮味融入檬粉中，讓整道菜更加豐富美味。手撕雞沙律是個不錯的選擇。手撕雞肉嫩滑多汁，配上新鮮蔬菜和香濃的沙律醬，口感豐富。另外，他們還有新鮮椰青，非常清爽解渴，是夏天的最佳選擇。店內的秘製沙嗲串燒雞也是一道必點菜。這裡的沙嗲非常入味，香辣可口。雞肉經過串燒後，外酥內嫩，一口咬下去，嘴裡充滿了肉汁和香料的滋味，讓人欲罷不能。招牌湯品——扎肉冬蔭公湯。這道湯品以豬骨熬製而成，湯底濃郁鮮美，加入了扎肉和冬蔭公，賦予湯品更多的層次感和風味。喝下這碗湯，真的讓人感到身心舒暢。…查看更多

呢日嚟到德福food court諗住求其買啲野食填肚，意外見到開咗檔越南野，望多兩望個名熟口熟面，再望到頭頂電視播既片，呀，終於諗起係之前食過旺角好食嗰間呀，梗係二話不說就企定定揀野食啦。揀咗份combo lunch，有碗檬粉加沙律加紙卷加飲品，超豐富又好味既午餐都只係$89，但係我為食妹性格升級咗杯飲品做水果茶，好似加咗$20左右 (唔太記得了)，總之每樣都覺得好好味，非常推介大家喺九龍灣附近覓食時選擇佢唷。…查看更多