好似幾吸引，
所以喺25/9(六)，
我哋一家四口去咗試吓👨👩👧👦。
🌊環境:🌟🌟🌟🌟(5星為滿分)
環境確實唔錯😊，
尤其窗邊可以對正個海🌊。
空間感大。
某部份天花係玻璃，
透射自然光。
🥚🥞食物🥗🍞::🌟🌟🌟(5星為滿分)
坦白講，
相比於其他酒店嚟講，
款式選擇較少。
西式有雞蛋🥚、火腿🥩、腸仔、茄汁豆同粟米等。
中式有白粥，另有油炸鬼同其他送粥小食。
當然仲有沙律🥗、烤蔬菜、水果🍉🍍同埋不同類型嘅cereal。
小朋友好鐘意個meiji yogurt，
有士多啤梨、藍莓、原味和椰子味🥥。
安排得最好嘅係牛角包🥐同其他酥類都有個爐暖住，
所以食落暖暖脆脆，
好好味~
另外，有部pancake 🥞機俾小朋友扮 Ironman 👋，
有得玩有得食😋。
而且配料有好多款，
有kitkat、oreo、彩色朱古力碎、杏仁片和花生碎等等。
☕️飲品方面，
有橙汁、蘋果汁、各類咖啡和茶。
雖然款式少，
但食物新鮮和質素不錯。
因曾食過一間酒店自助早餐，
款式雖多，但食物唔新鮮，質素好差。
所以我覺得食物可接受。
不過隊友嫌款式太少。
😎服務: 🌟🌟🌟🌟🌟(5星為滿分)
服務員樂於服務，
而且不時同小朋友傾計，
風趣幽默。
仲根據小朋友嘅顏色喜好，
提供小朋友餐具🍴。
💰價錢: 🌟🌟🌟(5星為滿分)
80元任飲任食3小時，另收加一
(大小同價，3歲以下免費)
由於3歲或以上都要收全費，
所以若小朋友年紀小，
食得唔多，
唔算抵。
但如果小朋友年紀大D，
可以食多D，
我覺得都算抵。
🍂以上純粹個人意見🍂
🏩地點: 汀蘭居地下Bay's Kitchen & Bar
📆日期: 逢星期六日及公眾假期
🕢時間: 7:30a.m.-10:30a.m.
💕冇得book 位，我哋果日7:30a.m.就落去食。
想坐窗邊位要早d落去霸位啊~
當日係星期六，
所以冇乜人。
如果星期日，
我諗會多d人。
1
