再臨閣

营业中

休息中

經網站買左$1436/4 位的自助晚餐，今晚主題是泰式，豬頸肉沙律、肉碎生菜包好醒胃，海南雞d肉都幾滑，海鮮方面開邊龍蝦、蟹鉗、凍蝦都吾錯，即灼魚旦牛丸湯油麵嗰湯底就冇乜味，烤牛扒帶點脂肪幾好食，煮鮑魚夠淋而且幾入味，排骨山、刺身就冇試。甜品花款好多，斑蘭旦糕好鬆軟，香蕉酥餅加煉奶好有泰國風情，朱古力香蕉旦糕和朱古力心太軟就略為甜左少少，其他甜點芒果奶凍、柚子啫喱、芒果糯米飯、椰汁西米糕、炸榴連波波，真係試吾到咁多。飲品有蘋果汁、凍綠茶、咖啡、茶、檸檬茶，全部自助式。整體來說，環境、食物款式和水準都吾錯。