影片
更多
2018-12-23
70 浏览
12月可以話係馬不停蹄，特別多朋友返嚟香港敘舊，今日晨早起身就係為咗同加拿大小姐飲茶，但係佢又話唔鍾意飲廣東茶，咁唯有同佢飲樂天茶啦！決定喺尖沙咀樂天皇朝嘆小籠包然後去shopping。我哋好好彩坐到最後一張窗口位，自然光線令到人都精神D，食嘢都開胃啲！到門口已經見到玻璃廚房，可以見到師傅努力地做小籠包，招牌菜八色小籠包$108，抵食又好味，唔同顏色代表唔同味道。一口氣介紹晒，紅色四川味有少許辣；綠色是人參味，一啖咬落去湯汁飽滿多汁，人蔘粉相當出色；橙色是鵝肝味道；黃色是芝士味我的最愛；深橙色是蟹粉小籠包，蟹迷不可能錯過，濃厚到齒頰留香；仲有一個黑蚊蚊的黑松露；食到大家都好喜歡。最優惠就係只送不賣的 辣椒螃蟹小籠包，紅白鴛鴦對碰，只要喺社交平台分享八色皇朝小籠包相片給3位朋友，就可以免費送俾你！食落都幾有特色又辣辣地，蟹肉味都好香。聽店員說每個小籠包都有 18 摺，賣相吸引，皮薄餡靚鎖住肉汁，肉質鮮嫩，入口 Juicy。喜歡佢哋嘅創新，每款味道都各有特色。一講到蟹粉又點少得蟹粉炒飯 $128，炒飯上鋪滿蟹肉、金黃色的蟹汁，份量多而且飯粒爆滿，滋味無窮！三鮮鮮肉水餃 $52，餃子賣相靚，
我哋好好彩坐到最後一張窗口位，自然光線令到人都精神D，食嘢都開胃啲！
到門口已經見到玻璃廚房，可以見到師傅努力地做小籠包，招牌菜八色小籠包$108，抵食又好味，唔同顏色代表唔同味道。
一口氣介紹晒，紅色四川味有少許辣；綠色是人參味，一啖咬落去湯汁飽滿多汁，人蔘粉相當出色；橙色是鵝肝味道；黃色是芝士味我的最愛；深橙色是蟹粉小籠包，蟹迷不可能錯過，濃厚到齒頰留香；仲有一個黑蚊蚊的黑松露；食到大家都好喜歡。
最優惠就係只送不賣的 辣椒螃蟹小籠包，紅白鴛鴦對碰，只要喺社交平台分享八色皇朝小籠包相片給3位朋友，就可以免費送俾你！食落都幾有特色又辣辣地，蟹肉味都好香。
聽店員說每個小籠包都有 18 摺，賣相吸引，皮薄餡靚鎖住肉汁，肉質鮮嫩，入口 Juicy。喜歡佢哋嘅創新，每款味道都各有特色。
一講到蟹粉又點少得蟹粉炒飯 $128，炒飯上鋪滿蟹肉、金黃色的蟹汁，份量多而且飯粒爆滿，滋味無窮！
三鮮鮮肉水餃 $52，餃子賣相靚，餡料好足料，熱辣辣食好多汁。
無錫鮮肉鍋貼 $38 ，鍋貼煎得好香，鮮味而濕潤。
酸辣湯拉麵 $65，酸辣度剛剛好，爽口的荀絲和滑滑的豆腐絲，口感好豐富。麵質彈牙掛湯，好味到飲晒。
到最後食甜品啦店員話一定要試 宮廷驢打滾$42，個名好特別。口感好煙韌，外皮軟糯香甜，豆沙餡甜美，外層滿滿的黃豆粉超香濃。
令一個比較清淡少少嘅甜品，桂花酒釀丸子 $35 值得一試！加拿大鬼妹仔食到舔舔脷，話下次返嚟一定要再食
张贴
