影片
更多
2020-10-27
568 浏览
港式大排檔鑊氣夠永遠就係咁勁咁多人平日唔Book 檯想即日Walkin 要等2個鐘 （親耳聽到）講緊嘅係已經登陸荃灣川龍街的【楚撚記大排檔】 。七點前入去，八時許出來，人龍沿著樓梯一直坐，甚至門口也有一堆人圍著等入去，原因無他，7,000呎旗艦店排場夠，氣勢凌厲，小菜份量多， 真金不怕洪爐火，呢個係大家都鐘情楚撚記嘅原因。單是裝修已經落足本，沿樓梯一直上，綠色白色的紙皮石，與及牆身的廣告， 已經足夠勾起淡淡回憶。而且餐廳勁有深度，一直行入去都可以坐人， 有卡位有圓檯，人多人少都歡迎。唔好以為大排檔的菜式都係 千篇一律 。【楚撚記大排檔】荃灣旗艦店限定菜式，好肯定其他分店食唔到。 例如古法生扣蝦子柚皮， 一口酥炸雙重芝士波波，仲有脆皮芝士焗原隻新鮮龍蝦，呢幾款黎開 荃灣分店都一定要試。除咗旗艦店限定仲有幾款 招牌菜我覺得係不得不推介。金沙蛋黃九肚魚82炸得條條金黃 ，金沙咸蛋咸香之餘外脆內軟， 食嗰陣小心辣親嘴仔 ，而且九肚魚的鮮味仍然滿滿的。楚撚記小炒王88材料超豐富， 大蝦乾，腰果，銀魚仔同埋魷魚，當然唔少得韭菜花。 炒得夠鑊氣，夠乾身，魷魚同銀魚仔帶出成碟小炒王鹹香，超好食。楚撚
港式大排檔鑊氣夠永遠就係咁勁咁多人
平日唔Book 檯想即日Walkin 要等2個鐘 （親耳聽到）
講緊嘅係已經登陸荃灣川龍街的【楚撚記大排檔】 。
七點前入去，八時許出來，人龍沿著樓梯一直坐，
甚至門口也有一堆人圍著等入去，
原因無他，
7,000呎旗艦店排場夠，氣勢凌厲，小菜份量多， 真金不怕洪爐火，
呢個係大家都鐘情楚撚記嘅原因。
單是裝修已經落足本，沿樓梯一直上，綠色白色的紙皮石，與及牆身的廣告， 已經足夠勾起淡淡回憶。
而且餐廳勁有深度，一直行入去都可以坐人， 有卡位有圓檯，人多人少都歡迎。
唔好以為大排檔的菜式都係 千篇一律 。【楚撚記大排檔】荃灣旗艦店限定菜式，好肯定其他分店食唔到。
例如古法生扣蝦子柚皮， 一口酥炸雙重芝士波波，仲有脆皮芝士焗原隻新鮮龍蝦，呢幾款黎開 荃灣分店都一定要試。
除咗旗艦店限定仲有幾款 招牌菜我覺得係不得不推介。
金沙蛋黃九肚魚82
炸得條條金黃 ，金沙咸蛋咸香之餘外脆內軟，
食嗰陣小心辣親嘴仔 ，而且九肚魚的鮮味仍然滿滿的。
楚撚記小炒王88
材料超豐富， 大蝦乾，腰果，銀魚仔同埋魷魚，當然唔少得韭菜花。
炒得夠鑊氣，夠乾身，魷魚同銀魚仔帶出成碟小炒王鹹香，超好食。
楚撚記原隻脆皮炸豬手135
呢隻炸豬手上枱時超不得了。 分量大隻已經不在話下， 而且已經皮與肉分開， 外皮炸得超鬆化鬆脆，
而豬手已經去晒脂肪，啖啖肉，肉嫰味鮮唔會覺得柴， 這個個人超推薦。
除咗生炒小菜當然少不得 有即叫即蒸的包點，
黑金流沙奶黃壽桃和傳統蛋黃蓮蓉壽桃可以混搭， 黑白各叫一個就最perfect。
黑金流沙奶皇一撕開就流出香甜而咸香的奶黃餡，頃洩而出，真的是讓人無法抗拒。
傳統蛋黃蓮蓉壽桃蓮蓉味份外濃郁，熱辣辣食超好食。
去大排檔當然少不了叫番碗靚仔同白粥，想講
白粥超綿密， 粒粒米都開曬花，不得了。
正當 準備找數之際， 店員問我哋食咗糖水未， 原來仲送埋蕃薯糖水同清保涼， 番薯糖水重薑味熱辣辣， 清保涼涼浸浸的，食完超爽。呢到價錢唔洗加一又包糖水，唔怪得客流絡繹不絕。
順帶一提，楚撚記荃灣 旗艦店 新張限定優惠 - 脆皮芝士焗原隻新鮮龍蝦 ，新張優惠$168/隻就食得到 (原價$238/隻) 數量有限，快d去食啦❤️❤️
张贴
