add@Prince (裝修中)

係openrice搵buffet介紹，就見到呢間，有7折添喎，一行11人黎試下啦6:20已安排入座，座位唔算多，而且寬敞，燈光柔和，幾好feel趁開動時人少少，即刻攞刺身先，除 希靈魚無試之外，其餘5款都ok啊。隻龍蝦鉗就麻麻地，無味。細粒壽司略嫌啲飯太硬每一位客人都贈送半隻龍蝦同一件和牛，但可能stand by 太耐，件和牛比牛小排還韌，老到不似和牛。而龍蝦亦同樣焗得過火了。冷盤有生蠔喎，每次出小量，每人只可攞3隻，珍珠蠔，無咩肉，一般水準，唔使添食嘞。羊架夠嫩，可以encore. 至放廚房推介的豬肋排，鞋過鞋底，一口都嫌阻訂。中湯幾朋友話好味，西湯就稀咗啲，我就搵冬蔭功湯，唔太辣，啱怕辣嘅我。但食開辣的朋友就話太咸。跳去甜品格，先黎2球double chocolate, 雪到死晒，一筆就散晒一細舊，咩鬼雪糕😣 仲口多多叫埋窩夫，嘩，厚粉，又硬，又唔好食。千祈唔好試。嘢食選擇唔可以話少，長腳蟹都幾好，但令人回味的却是零。