牛大人台灣火鍋吃到飽 (荷李活商業中心)

营业中

休息中

打邊爐個湯底好重要，美味嘅湯底可以提升、吊出食物嘅味道！身邊食過「牛大人」嘅朋友對佢嘅評價都幾正面，所以喺呢個品牌嘅加持下，知道推出咗兩款招牌鍋底🥘 -「牛大人秘方紅燒牛骨鍋湯包🐮」同「牛夫人秘方麻辣鍋湯包🌶️」，就即刻去「牛大人」旺角分店買個紅燒牛骨鍋湯包同屋企人開心分享！👉🏻價錢及份量：$68一包，300g，足夠4-10人享用！👉🏻食用方法：撕開包裝，直接將湯倒入鍋中，再加入 3000ML 雞湯或清水煲滾，就可以加入鍾意嘅食物開餐！想湯底味道更濃更有層次，可以加埋紅棗、杞子、桂圓乾、薑、蔥、蒜一齊煲！👉🏻 成份：牛骨 牛肋骨 洋蔥 紅棗 八角 肉桂枝 香葉 陳皮自己同屋企人共4人食用嘅時候，先喺鍋中加入清水，再倒入大概半包稠杰嘅湯包，已經即時感受到牛骨嘅香氣撲鼻！湯底味道濃厚，熱量又低，食物浸透淥熟，一啖入口，異常滋味！期間適時加水，湯底仍然好濃郁，已經唔洗點再加入湯包材料，最後竟然剩咗半包！份量充足！