agnès b. Café LPG

营业中

休息中

agnès b café開左一段時間，最初開嘅時候被狂洗版，又成日見到媒體介紹，當時話想食想食，一直未試到，收工太夜，兜過黎都已經賣哂。 食到而家終於食到，仲要係因為有雪糕券先換領的，儲埋啲分冇咩啱換嘅野，見有呢間，就換左幾張試下。朗豪坊店係甜品cafe，除左雪糕筒、杯裝雪糕，設堂食其他甜品，例如蛋糕、鬆餅、心太軟、飲品等， 好耐之前曾經食過佢地嘅朱古力，其後莫講話雪糕，連買飲品我都未必會諗起呢度。Mystery Black軟雪糕 $50冇標明口味嘅神秘黑色雪糕，配上同樣係黑色嘅竹碳雪糕筒，但由於新開張時睇過無數洗版報導，已經冇乜神秘感。事實上係竹碳玫瑰花茶口味，所以雪糕黑黑的。唔講真係食唔出係玫瑰味，大抵只會覺得係花嘅味道。雪糕質地沙沙的，比較輕盈不膩口，陣味唔難頂，但一次便夠。64% 特選朱古力軟雪糕 $50朱古力味反而幾好食，味道純厚，唔會太甜。雪糕容易塌、溶得快，口感比起黑色嗰款來得厚滑。雪糕筒用上竹碳筒，個樣睇落型啲，其實冇乜味，勝在幾脆口，亦都平衡到雪糕嘅甜度。